Vialikija banki zładžana apuścili staŭki pa rublovych depazitach
U listapadzie adbyłasia adna važnaja padzieja, pra jakuju aficyjna nie paviedamlałasia. Pa prapanovie Nacbanka kamiercyjnyja banki ŭziali na siabie abaviazacielstva źnizić pracentnyja staŭki pa depazitach.
Jak raskazali BiełaPAN bankiry, adpaviedny miemarandum, jaki praduhledžvaje źnižeńnie stavak, byŭ padpisany 26 listapada.
Jak vynik, da ciapierašniaha času praktyčna ŭsie viadučyja banki apuścili staŭki pa depazitach dla jurydyčnych asob da 35%, a staŭki pa depazitach dla nasielnictva nie pieravyšajuć ciapier 45% hadavych.
Vyklučeńnie składajuć nievialikija banki, jakija nie padpisvali miemarandum i pakul jašče zachoŭvajuć bolš vysokija staŭki pa ŭkładach.
Choć i hetyja banki taksama vymušanyja buduć raŭniacca na ŭvieś rynak i źniziać z časam staŭki. U abmien na ŭziatyja abaviazacielstvy pa źnižeńni pracentnych stavak Nacbank, jak raspaviadajuć bankiry, daŭ kamiercyjnym bankam harantyi, što ŭ vypadku nieabchodnaści padtrymaje apošnich likvidnaściu.
Pa słovach bankiraŭ, Nacbank rekamiendavaŭ im źnižać pracentnyja staŭki jašče ŭ kastryčniku.
Adnak, trymajučysia na toj momant za depazity nasielnictva jak za adnu ź niešmatlikich krynic rublovych resursaŭ, banki nie ryzykavali źnižać pracentnyja staŭki.
«U kancy listapada situacyja źmianiłasia. Nacbank prapanavaŭ kambankam mahčymaść realna pryciahvać u jaho resursy pad 35 % hadavych, i tamu banki ciapier bolš spakojna hatovyja źnižać staŭki pa depazitach, razumiejučy, što ŭ vypadku adtoku rublovych układaŭ Nacbank akaža resursnuju padtrymku», — raskazaŭ adzin z bankiraŭ.
Daŭšy bankam mahčymaść atrymlivać emisijnyja resursy, centrabank pry hetym davioŭ da kambankaŭ nastojlivuju rekamiendacyju abmiežavać pryrost kredytnaha partfiela adnym pracentam u miesiac.
«Nacbank stymuluje źnižeńnie pracentnych stavak, što nibyta aznačaje pasłableńnie hrašova-kredytnaj palityki, adnak, kali abjom kredytavańnia ekanomiki budzie realna abmiežavany, to prablem na hrašovym rynku z pryčyny źnižeńnia pracentnych stavak nie pavinna ŭźniknuć», — miarkuje staršy analityk Forex Club Valeryj Pałchoŭski.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary