Aŭtamabil Dziaržaŭtainśpiekcyi ŭźlacieŭ u pavietra i pierakuliŭsia.
Zdareńnie adbyłosia ŭnačy na 20 śniežnia kala vioski Novaja Straža Słonimskaha rajona Hrodzienskaj vobłaści.
Jak paviedamiła pres-słužba abłasnoha DAI, patrulnaja mašyna ruchałasia ŭ bok Słonima, kali na vializnaj chutkaści jaje prataraniła «Aŭdzi A8». Ad udaru zzadu patrulny aŭtamabil adarvała ad ziamli, jon pralacieŭ niekalki mietraŭ i apynuŭsia na dachu ŭ kiuviecie. Na ščaście, supracoŭniki DAI surjozna nie paciarpieli. Ich zacisnuła ŭ sałonie, vybracca im dapamahli kiroŭcy mašynaŭ, jakija stali śviedkami zdareńnia.
«Aŭdziucha» ž źjechała ŭ bok Słonima. Usich supracoŭnikaŭ DAI rehijona padniali pa tryvozie. A 5-j hadzinie ranicy vinoŭnika avaryi i pasažyra, jaki byŭ razam ź im, znajšli ŭ prydarožnaj kaviarni. Chłopcy raśpivali ałkaholnyja napoi.
Pradstaŭniki «załatoj moładzi» Słonima, rabotniki adnaho z samych paśpiachovych miascovych pradpryjemstvaŭ, spačatku rabili vyhlad, što nie razumiejuć, čamu ich zatrymali. Ale paźniej jany pryznali svaju vinu, raskajalisia i paviedamili, što na momant avaryi jechali z chutkaściu 200 kiłamietraŭ za hadzinu.
Kamientary