Łukašenka: Kali Bialacki spłaciŭ škodu, pavinna być razhledžana pytańnie pra jaho amnistyju
Alaksandr Łukašenka daručyŭ pieršamu namieśniku svajoj administracyi Alaksandru Radźkovu pravieryć ahučanuju dyrektaram infarmacyjnaj kampanii BiełaPAN Alesiem Lipajem infarmacyju pra toje, što pradstaŭniki hramadskaści daŭno kampiensavali škodu, jakuju, jak ustanaviŭ sud, nanios dziaržavie pravaabaronca Aleś Bialacki.
Pra heta kiraŭnik dziaržavy zajaviŭ 21 studzienia na sustrečy z kiraŭnikami biełaruskich ŚMI ŭ Pałacy Niezaležnaści.
«Heta surjozny arhumient. Tut sprava nie ŭ palitycy i nie ŭ pazicyi samoha Bialackaha. Klanusia vam, ja jaho nie viedaŭ i nie viedaju», — skazaŭ Łukašenka, zaŭvažyŭšy, što «padatki — heta śviatoje».
Pavodle słoŭ kiraŭnika dziaržavy, kali infarmacyja ab kampiensacyi škody paćvierdzicca, pavinna być razhledžanaje pytańnie pra ŭžyvańnie da Bialackaha amnistyi.
Alaksandr Łukašenka taksama zajaviŭ, što ŭ Biełarusi moža być praviedzienaja amnistyja, pad jakuju mohuć padpaści kala 2000 čałaviek.
Kamientary