U płanach biełaruskich uład jość denaminacyja nacyjanalnaj valuty — «adkidvańnie troch ci čatyroch nuloŭ i nabližeńnie da bolš cyvilizavanaj valuty». «My heta nie ŭtojvajem», — zajaviŭ Alaksandr Łukašenka na sustrečy z kiraŭnikami biełaruskich ŚMI.
Pavodle jaho słoŭ, užo jość addrukavanyja rubli i kapiejki. Vyhladać novyja hrošy buduć «niejak blizka da jeŭra», adznačyŭ prezident, bo śpiecyjalisty ličać, što taki ich vyhlad najbolej prymalny.
Ale ŭmovy dla praviadzieńnia denaminacyi jašče nie saśpieli, ličyć Alaksandr Łukašenka, — nie takaja dobraja situacyja ŭ ekanomicy, jość peŭnyja tryvohi ŭ nasielnictva.
«Navat kali sioleta adčujem, što ekanomika stała narmalnaj, vam za paŭhoda abvieścim, — paabiacaŭ kiraŭnik dziaržavy, majučy na ŭvazie abviaščeńnie denaminacyi. — Budziem jašče vybirać, try ci čatyry nuli adkinuć».
Takim čynam, jak było adznačana na sustrečy, u vyniku denaminacyi kurs biełaruskaha rubla moža ŭstanavicca jak adzin da adnaho ci adzin da dziesiaci ŭ dačynieńni da dołara ZŠA.
Alaksandr Łukašenka padkreśliŭ, što ab praviadzieńni denaminacyi nasielnictvu budzie abvieščana za paŭhoda da jaje daty, a potym jašče na praciahu hoda buduć paralelna chadzić novyja i staryja kupiury.
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu3
Kamientary