Kamisija na čale sa staršynioj Kamiteta dziaržkantrolu Alaksandram Jakabsonam praanalizuje pracu arhanizacyj žyllova-kamunalnaj haspadarki. Asablivaja ŭvaha budzie nadadziena farmiravańniu taryfaŭ na žyllova-kamunalnyja pasłuhi.
«Dla taho kab raz i nazaŭždy, jak u budaŭnictvie, kamuści dać pa rukach, pa hałavie, a kamuści i hałavu paviarnuć u druhi bok, była pastaŭlena zadača: staršynia KDK uznačalić kamisiju, jak pa budaŭnictvie, i strasianie ŭsiu ŽKH», — zajaviŭ Łukašenka.
Jon taksama padkreśliŭ, što niekalki razoŭ daručaŭ uradu padać realnyja zatraty na pasłuhi ŽKH, ale heta pakul nie zroblena. «ŽKH dla mianie ŭ płanie taryfaŭ — heta zahadkavaja kraina», — skazaŭ Łukašenka.
Łukašenka padkreśliŭ, što taryfy na ŽKK ŭ Biełarusi rehulujucca dziaržavaj i ich rost uviazany z rostam dachodaŭ hramadzian. Vakoł temy pavyšeńnia taryfaŭ na pasłuhi ŽKH zanadta šmat nieprafiesijnaj bałbatni i palityki, ličyć Łukašenka.
Pavodle jaho słoŭ, siońnia siamja z troch čałaviek, dzie dvoje pracujuć, za 2-pakajovuju kvateru płacić 3% dachodaŭ siamji, u Rasii — 12%, a siamja z troch čałaviek, dzie pracujuć dva biudžetniki, płacić za takuju kvateru 4% dachodaŭ siamji, dva piensijaniery — krychu bolš za 5%. «Nazavicie jašče adnu takuju raźvituju, cyvilizavanuju krainu ŭ śviecie, dzie b płacili hetulki. U Jeŭropie ŭ try razy bolš.
My pakryvajem pasłuhi ŽKH — pry ŭsim pavyšeńni — na 23%, 77% pasłuh ŽKH pakryvajucca za košt biudžetu. Nazavicie jašče takuju krainu, dzie heta jość», — skazaŭ Łukašenka.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary