U Homieli zakončana rasśledavańnie žorstkaha zabojstva repietytara.
«Padčas śledstva ŭstanoŭlena, što ŭ pačatku 2013 uradženiec Homiela vyrašyŭ ździejśnić zabojstva ravieśnicy, jakaja nie zachacieła padtrymlivać ź im blizkija adnosiny. Dla vykanańnia zadumanaha jon uvajšoŭ u zmovu sa znajomaj siamiejnaj paraj. Złamyśniki raspracavali padrabiazny płan zabojstva»,
— paviedamiła pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.
Płan zaklučaŭsia ŭ tym, kab zaprasić 23-hadovuju Marynu Alaksandravu ŭ kvateru nibyta z pryčyny repietytarstva. A dalej u kožnaha była svaja rola.
Žonka siabra ŭ vitalni nakinuła na dziaŭčynu chustku, a pomślivy znajomy nanios niekalki ŭdaraŭ małatkom pa hałavie. Maryna pamierła na miescy.
«Paśla zabojstva ź jaje sumki skrali hrošy. Dla taho, kab schavać ślady złačynstva, abvinavačanyja zmyli kroŭ u kvatery. Cieła zabitaj zaharnuli ŭ dyvan, na aŭtamabili zavieźli ŭ les na terytoryi Vietkaŭskaha rajona, dzie zakapali ŭ zahadzia pryhatavanaj jamie»,
— adznačyła Kryvanohava.
U zaležnaści ad roli kožnaha ŭ złačynstvie ich abvinavačvajuć u zabojstvie, ździejśnienym hrupaj asobaŭ, i kradziažy, ździejśnienym taksama hrupaj.
Za zabojstva praduhledžvajecca samaje surovaje pakarańnie — ažno da rasstrełu.
Sprava nakiravana ŭ prakuraturu dla pieradačy ŭ sud.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA104
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary