Alaksandr Łukašenka zaklikaŭ členaŭ spartyŭnaj delehacyi Biełarusi na XXII zimovych Alimpijskich hulniach prykłaści namahańni dla paśpiachovych vystupleńniaŭ u Sočy.
«Udzieł u Alimpijskich hulniach — heta znamianalnaja padzieja, jakoj papiaredničała ruplivaja praca i starannaja padrychtoŭka jak spartsmienaŭ, tak i adpaviednych arhanizacyj, — havorycca ŭ zvarocie Łukašenki da spartsmienaŭ, apublikavanym na sajcie prezidenta. — Usio da drobiaziaŭ było praduhledžana i zroblena — zaraz zastałosia tolki kožnamu z vas prykłaści namahańni, kab zabiaśpiečyć paśpiachovyja vystupleńni na alimpijskich spabornictvach».
Na dumku Łukašenki, sport vybirajuć «mužnyja, metanakiravanyja i mocnyja ducham ludzi, jakim pa siłach va ŭpartaj baraćbie pradoŭžyć słaŭnyja tradycyi i abaranić spartyŭny honar našaj krainy».
«Pierakanany, što mienavita vy ź`iaŭlajeciesia lepšymi pradstaŭnikami biełaruskaha sportu, zdolnymi pakazać na alimpijskich arenach svaju volu, majsterstva i nastojlivaść u dasiahnieńni pastaŭlenaj mety, — skazaŭ kiraŭnik dziaržavy spartsmienam. — Ščyra žadaju vam pośpiechu i jarkich pieramoh dziela słavy našaj Radzimy».
XXII zimovyja Alimpijskija hulni projduć u Sočy z 7 pa 23 lutaha. Biełaruś na spabornictvach pradstaviać 24 spartsmieny, jakija vystupiać u bijatłonie, frystajle, łyžnych honkach, harnałyžnym sporcie i šort-treku.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary