Konkursny adbor patencyjalnych pakupnikoŭ dziaržaŭnaj doli ŭ STAA «MTS», jaki pavinien byŭ prajści siońnia, nie adbyŭsia z-za adsutnaści zajaŭ ad patencyjalnych inviestaraŭ, paviedamlaje aficyjny sajt Dziaržaŭnaha kamiteta pa majomaści.
Jak zaznačajecca ŭ paviedamleńni, umovaj prodažu «było patrabavańnie zachavańnia pracenta achopu terytoryi Respubliki Biełaruś pasłuhami ruchomaj elektrasuviazi STAA «MTS» nie nižej za ŭzrovień, zafiksavany ŭ dziaržaŭnaj statystyčnaj spravazdačnaści za apošni spravazdačny pieryjad, što papiaredničaje zaklučeńniu dahavoru kupli-prodažu doli STAA «MTS».
Prodaž doli ŭ statutnym fondzie STAA «MTS», jakaja znachodzicca va ŭłasnaści Respubliki Biełaruś i ŭ haspadarčym rasparadžeńni RUP «Bietelekam», ažyćciaŭlajecca pa rašeńni prezidenta, zaznačaje Dziaržkammajomaść.
Konkursny adbor byŭ abjaŭleny Dziaržkammajomaściu ŭ śniežni minułaha hoda. 5 lutaha zaviaršyŭsia termin pryjomu zajavak, sam adbor byŭ pryznačany na ranicu 6 lutaha.
Nahadajem, pieršaja acenka dziarždoli była praviedziena ŭ 2010 hodzie — tady pačatkovaja cana prodažu dziaržpakieta była zajaŭlena ŭ abjomie 1 młrd. dołaraŭ. Potym jana była źnižana da 863 młn. dołaraŭ.
20 śniežnia minułaha hoda, vystupajučy pierad parłamientam, vice-premjer Piotr Prakapovič vykazaŭ mierkavańnie, što ździełka ab prodažy dziarždoli ŭ STAA «Mabilnyja TeleSistemy» moža być zakryta ŭ pieršym kvartale. «Na konkurs my ŭžo vystavili [dziarždolu] «MTS», praviedziena rynačnaja acenka. Konkurs prachodzić, i kali jon projdzie paśpiachova, pradpryjemstva budzie pryvatyzavana ŭ pieršym kvartale», — skazaŭ Prakapovič.
Varta zaznačyć, što rasijskaja kampanija «MTS», jakaja vałodaje 49% STAA «MTS», nieadnarazova prapanoŭvała vykupić kantrol u Biełarusi, ale rasijan nie zadavalniała cana, vyznačanaja biełaruskim bokam.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia14
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary