Na Majdanie vyjavili čałavieka, jakoha padazrajuć u kradziažach sa skrynak dla achviaravańniaŭ
U Kijevie zatrymali čatyroch aktyvistaŭ pratestnaha ruchu «Jeŭramajdan». Pavodle źviestak milicyi, jany naładzili samasud nad druhim aktyvistam, jakoha zapadozryli ŭ kradziažy hrošaj.
Zatrymanyja vyjavilisia pryjezdžymi z rehijonaŭ (Ternopalskaj, Vińnickaj, Łuhanskaj i Kijeŭskaj abłaściej). Milicyi jany zajavili, što atrymali infarmacyju ab kradziažy hrošaj z skryni dla achviaravańniaŭ i vyrašyli «pravučyć» mierkavanaha złodzieja.
Pa źviestkach pravaachoŭnikaŭ, aktyvisty źviazali padazravanaha i pavieźli da bieraha Dniapra. Tam jany stali źbivać jaho i patrabavać hrošy — 14 tysiač hryŭniaŭ (kala 15,2 młn. rubloŭ). Milicyja zatrymała ich na miescy zdareńnia (jak rastłumačyli va ŭpraŭleńni MUS, niezadoŭha da hetaha ŭ dziažurnuju častku pastupiła paviedamleńnie ab tym, što niekalki čałaviek vyciahnuli z mašyny źviazanaha mužčynu i paviali da raki).
Paciarpieły, sa svajho boku, raspavioŭ, što pryjechaŭ u stalicu na pačatku studzienia ź Ivana-Frankoŭskaj vobłaści dla ŭdziełu ŭ akcyjach pratestu. Hrošaj mužčyna, pa jaho słovach, nie kraŭ.
U suviazi ź dziejańniami aktyvistaŭ pačata kryminalnaja vytvorčaść pa artykule «Vymahalnictva». Padčas śledstva pakazańni ŭdzielnikaŭ kanfliktu buduć pravieranyja.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary