Viarchoŭnaja Rada Ukrainy kanstytucyjnaj bolšaściu pryniała zakon ab adnaŭleńni dziejańnia asobnych pałažeńniaŭ Kanstytucyi Ukrainy 2004 hoda.
Za hety zakon prahałasavali 386 z 397 narodnych deputataŭ, zarehistravanych u siesijnaj zale.
Za hetaje rašeńnie prahałasavali 140 deputataŭ z frakcyi Partyi rehijonaŭ, 89 — «Baćkaŭščyna», 40 — «UDAR», 35 — «Svaboda», 32 — KPU, 50 - pazafrakcyjnych.
Lidar «Baćkaŭščyny» Arsień Jacaniuk adznačyŭ, što ŭ vyniku pryniaćcia Viarchoŭnaja Rada «atrymaje paŭnamoctvy na pryznačeńnie ŭrada, usich členaŭ kabinieta ministraŭ, upłyŭ na achoŭnuju, sudovuju i inšyja haliny ŭłady».
«VR pierastanie być padraździaleńniem administracyi prezidenta», — padkreśliŭ Jacaniuk.
«VR zmoža realizavać toje, na što spadziajecca Majdan i patrabuje ŭkrainski narod — prava i spraviadlivaść», — dadaŭ Jacaniuk.
Jon taksama nahadaŭ, što dziejny prezident abiraŭsia pa Kanstytucyi 2004 hoda, ale KS niezakonna admianiŭ asobnyja pałažeńni ŭkrainskaj Kanstytucyi.
«Hety zakon u cełym adnaŭlaje redakcyju Kanstytucyi 2004 hoda», — dadaŭ jon.
U akcie praduhledžvajecca, što Viarchoŭnaja Rada zmoža sfarmavać kaalicyju deputacki frakcyj, jakaja budzie farmavacca jak frakcyjami tak i asobnymi deputatami.
Pa hetym zakonie VR budzie ažyćciaŭlać paŭnamoctvy da kastryčnika 2017 hoda.
«Heta tolki pieršy krok da adnaŭleńnia prava i spraviadlivaści ŭ krainie, nam treba jašče vielmi šmat zrabić, kab prynieści mir i stabilnaść u Ukrainie, kab adnavić jaje, kab pryciahnuć da adkaznaści kožnaha, chto vydavaŭ niezakonnyja zahady, chto zabivaŭ i ździekavaŭsia ź ludziej», - adznačyŭ jon.
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22
Kamientary