Baranavickamu chłopčyku z SMA paśpieli zrabić vyratavalny ŭkoł
Pra toje, što baranavickamu chłopčyku Sašu Astrohu zrabili vielmi darahi ŭkoł Zolgensma, hrošy na jaki — $1 818 000 — źbirali tałakoj, paviedamili ŭ instahramie jahonyja svajaki.
«Hety dzień nastaŭ. Ukoł zrobleny. My płačam. Ale ciapier — ad ščaścia. Saša atrymaŭ svoj šaniec. Šaniec dychać, ruchacca, žyć.
Dziakuj usim, chto nie prajšoŭ mima. Chto dzialiŭsia, chto danaciŭ, chto maliŭsia. Vy — hieroi. Vy padaryli Sašu nie prosta leki. Vy padaryli jamu žyćcio. Heta nie finał. Heta — novy pačatak», — piša maci chłopčyka.
Uvieści preparat Zolgensma možna, pakul vaha dziciaci nie pieravyšaje 13,5 kiłahrama.
22 krasavika baćki paviedamili, što na toj momant było sabrana 1 255 556,79 dołara, ale Saša ŭžo važyć amal 10,6 kiłahrama. Pavodle ich słoŭ, «vaha hulaje suprać nas», bo času na zaviaršeńnie zboru zastajecca ŭsio mienš.
24 krasavika zbor byŭ zakryty na sumie 1 818 000 dołaraŭ. Źbiralisia hrošy 5 miesiacaŭ.
Biełarusy sabrali amal 2 miljony dołaraŭ na leki dla baranavickaha chłopčyka z SMA
Jak žyvuć siemji, jakija sabrali vializnyja hrošy na vyratavalny ŭkoł dla dziciaci
Źnik tata dziaŭčynki z SMA, jakoj biełarusy sabrali na samyja darahija leki ŭ śviecie
Biełarusy sabrali vializnyja hrošy na leki dla jašče adnoj dziaŭčynki z SMA
«U niejki momant ja zrazumieŭ, što nie mahu ŭstać biez dapamohi ruk». Komik Saša Kalinkin pra svaju chvarobu
Kamientary
Choć kapiejčynu, ale abaviazkova.