Lidar «Spraviadlivaj Rasii» Siarhiej Mironaŭ prapanavaŭ dać bajcam ukrainskaha «Bierkuta» pracu ŭ rasijskim MUS, a praz šeść miesiacaŭ dać im hramadzianstva RF.
Na dumku Mironava, Viktar Janukovič «zdradziŭ svajmu narodu», hledziačy «z voknaŭ svajho pałaca, jak zabivajuć biez zbroi chłopcaŭ z «Bierkuta»» i pry hetym ničoha nie rabiŭ.
«My bačyli kadry, jak hetych chłapčukoŭ źbivaŭ hety źvierski natoŭp, hetyja fašysty, jakija siońnia rvucca da ŭłady», — pryvodzić RBK słovy Mironava. Jon vykazaŭ zdahadku, što na bajcoŭ «Bierkuta» i na ich siemji va Ukrainie mohuć pačacca hanieńni.
Akramia taho, Mironaŭ prapanavaŭ davać rasijskaje hramadzianstva ŭsim žadajučym ŭkraincam, a nie tolki rasijcam,
jakija žyvuć va Ukrainie, jak raniej prapanavaŭ lidar ŁDPR Uładzimir Žyrynoŭski.
«Usim hramadzianam Ukrainy, jakija žadajuć stać hramadzianami Rasii, my pavinny dać mahčymaść u sproščanaj formie na praciahu šaści miesiacaŭ stać hramadzianami Rasii», — skazaŭ Mironaŭ. Usiaho va Ukrainie pražyvajuć siem miljonaŭ rasijcaŭ, dadaŭ jon.
Kiraŭnik «Spraviadlivaj Rasii» taksama paprasiŭ sklikać śpiecyjalnaje zakrytaje pasiadžeńnie Dziarždumy z udziełam kiraŭnikoŭ MUS, FSB i MZS i padumać, što «moža čakać naš słavianski śviet».
«Treba pierastać mindalničać, davajcie abaraniać svaje nacyjanalnyja intaresy i žyćcia našych suhramadzian va Ukrainie», — skazaŭ na zakančeńnie jon.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary