Staličnaja milicyja zatrymała pradprymalnika, jaki nibyta zajmaŭsia vyrabam mebli na zakaz, a nasamreč prosta padmanvaŭ klijentaŭ.
Jak paviedamiła pres-słužba HUUS Minharvykankama, 34-hadovy minčuk prydumaŭ sposab chutka zarabić, ničoha pry hetym nie robiačy. Jon zarehistravaŭsia jak indyvidualny pradprymalnik, arandavaŭ paviljon na rynku ŭ Ždanovičach i zarehistravaŭsia tam jak vytvorca korpusnaj kuchonnaj mebli. Pryciahvaŭ jon klijentaŭ u pieršuju čarhu tym, što ceny na pasłuhi byli na 200-300 dalaraŭ nižejšyja, čym u inšych pradprymalnikaŭ. Tłumačyŭ jon takuju tannaść tym, što kamplektavalniki dla kuchniaŭ zakazvali ŭ Rasii, a zborka adbyvałasia ŭ Biełarusi.
Achvotnych zamović niedarahuju meblu znajšłosia niamała. Mužčyna braŭ pieradapłatu, jakaja składała 50%. Na hetym, ułasna, jaho praca i zakančvałasia.
Dla klijentaŭ u jaho zaŭsiody znachodzilisia adhavorki, čamu zakaz nie hatovy: abo šmat inšych zakazaŭ, abo nie pastupili kamplektavalniki i inš. Zakazčyki spačatku vieryli i čakali, a kali zrazumieli, što dalej čakać biessensoŭna, źviarnulisia pa dapamohu da pravaachoŭnikaŭ.
Z zajavami ŭžo źviarnulisia 16 paciarpiełych, jakich «pradprymalnik» ahułam padmanuŭ bolš čym na 400 miljonaŭ biełaruskich rubloŭ. U dačynieńni da złamyśnika Centralnym rajonnym adździełam Śledčaha kamiteta Respubliki Biełaruś zaviedzienaja kryminalnaja sprava za machlarstva.
Jak miarkujuć supracoŭniki pravaachoŭnych orhanaŭ, achviar machlara moža być značna bolš.
Milicyja prosić usich, chto paciarpieŭ ad dziejańniaŭ niesumlennaha pradprymalnika, źviartacca pa telefonie: 288-77-02 (śledčy Maksim Hienadzievič).
Kamientary