U Krymie vykradzieny kamandzir zdaŭ vajskovuju častku rasijcam
U Bachčysarai raniej vykradzieny kamandzir aŭtamabilnaha bataljona v/č A2904 Uładzimir Sadoŭnik zdaŭ vajskovuju častku rasijskim intervientam.
Heta vynikaje z paviedamleńnia kiraŭnika miedyja-centra Minabarony Kryma Uładzisłava Sielaźniova.
«Razam z hrupaj uzbrojenych pradstaŭnikoŭ samaabarony Kryma, jakich pa infarmacyi krynic ŭznačalvaje pałkoŭnik RF Makahon, na terytoryju aŭtamabilnaha bataljona VMS Ukrainy ŭ Bachčysarai prybyŭ i źnikły napiaredadni kamandzir Aŭtabata Uładzimir Sadoŭnik», — paviedamiŭ Sielaźnioŭ.
Prybyłyja pradstaŭniki samaabarony Kryma, zrabiŭšy niekalki strełaŭ u pavietra, uvarvalisia na terytoryju Aŭtabata.
«Pašychtavaŭšy asabisty skład daručanaj jamu častki Sadoŭnik zajaviŭ: «Chto sa mnoj — krok napierad». Sa stroju vyjšła peŭnaja kolkaść vajskoŭcaŭ v/č. U strai zastalisia ŭsie aficery i kantraktniki, pryzvanyja z rehijonaŭ Ukrainy. Paśla hetaha Sadoŭnik zajaviŭ, što tyja, chto nie ź im, tyja mohuć pakinuć terytoryju vajskovaj častki», — havorycca ŭ paviedamleńni.
Paśla hetaha na placy častcy byŭ spuščany ściah VMS Ukrainy, jaho miesca zaniaŭ ściah RF.
Pa stanie na hety čas na fłahštokach častki 2 ściahi: Ukrainy i Rasii.
Zaraz Sadoŭnik i tyja vajskoŭcy, što dałučylisia da jaho, zahružajuć u techniku paliva, radyjostancyi, inšuju vajennuju majomaść i płanujuć pakinuć terytoryju v/č.
Jak viadoma, kamandzir ukrainskaj vajennaj častki, padpałkoŭnik Uładzimir Sadoŭnik byŭ vykradzieny 9 sakavika.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary