Telekanał STV ličyć pieradaču Viciebska, Mahilova i Homiela Biełarusi niezakonnaj?
«Źmiena ŭłady ŭ Kijevie, jakaja maje prykmiety dziaržaŭnaha pieravarotu, Zachad całkam zadavoliła. A voś refierendum u Krymie čamuści nazyvajuć nielehitimnym», — heta klučavy tezis rasijskaj prapahandy padchapiŭ łukašenkaŭski telekanał STV. U svaim repartažy z Kryma minski telekanał daje słova dziasiatku prychilnikaŭ raździeła Ukrainy. I nivodnamu krytyku hetaj idei.
U rečyščy maskoŭskaj prapahandy, STV nazyvaje ŭłady Ukrainy «karyčnievymi» i paŭtaraje vydumku ab tym, što «za ŭžyvańnie ruskaj movy budzie kryminalnaja adkaznaść». Pry hetym žurnalisty nie zhadvajuć, što i v.a. prezidenta Ukrainy Turčynaŭ, i ministr unutranych spraŭ Avakaŭ — ruskamoŭnyja.
«Čym kankretna zajmajemsia? Nie dapuskajem «karyčnievuju» čumu, kab jana prarvałasia ŭ budynak Rady. Kab ludzi spakojna pryniali svoj vybar, z kim być Krymu i jak dalej Krymu žyć», — havoryć u efiry STV bajavik, što achoŭvaje budynak Viarchoŭnaj Rady Kryma.
«Nam zahadali ŭ 10-dzionny termin źniščyć svaju pamiać. I litaralna na nastupny, abo praź dzień, partyja «Svaboda» ŭ parłamiencie zajaŭlaje: «Za ŭžyvańnie ruskaj movy my budziem pryciahvać vas da kryminalnaj adkaznaści», — havorycca ŭ repartažy.
STV taksama ličyć pieradaču Kryma Ukrainie niezakonnaj: «Krymskaja vobłaść była pieradadziena ŭ skład UkrSSR, niahledziačy na toje, što ŭ savieckaj kanstytucyi nie było ni adzinaj ahavorki, jakaja b dazvalała sajuznym respublikam zakonna pieradavać terytoryi adzin adnamu».
Pa takoj łohicy, pieradača Viciebska, Mahilova i Homiela ŭ skład BSSR taksama była niezakonnaj? Nahadajem, što hetyja nasielenyja etničnymi biełarusami rajony pierajšli sa składa RSFSR u BSSR u 1924-m i 1926-m. Pry žadańni ŭ tym akcie taksama možna šukać parušeńni pracedury.
Kali pačać dzialić krainy pa pravie mocnaha, daloka možna zajści.
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary