Biełaruś nie spyniała supracoŭnictva z Ukrainaj,
zajaviŭ siońnia Alaksandr Łukašenka na pasiadžeńni Rady biaśpieki pa papiarednich vynikach pieršaha etapu pravierki bajavoj hatoŭnaści Uzbrojenych Sił Respubliki Biełaruś
«Va Ukrainie jość palityki, jakija ŭzialisia vyrašać prablemy ŭkrainskaha naroda. My ni ŭ jakim vypadku im nie pieraškadžajem.
Bolš taho, my nie pieraryvali nijakija suviazi z Ukrainaj, pierš za ŭsio ekanamičnyja. My zaŭsiody išli nasustrač pažadańniam ukrainskaha biźniesu i da hetaha času heta robim, - zajaviŭ Alaksandr Łukašenka. - I premjer-ministru daŭno daručana kantralavać hety praces. Jon viedaje, što rabić, i nivodny biźniesmien, nivodny pradprymalnik, nivodny kiraŭnik, jaki zajmajecca źniešniaj ekanomikaj, nie skaža, što Biełaruś zajmała niejkuju nieprystojnuju pazicyju adnosna Ukrainy».
«My pastaŭlali i pastaŭlajem tudy enierharesursy, stolki, kolki treba dla Ukrainy, pradukty charčavańnia, inšyja rečy. Słovam, my adkrytyja dla taho, kab padtrymlivać ukrainski narod u hetu ciažkuju chvilinu, u tym liku pa humanitarnym składalniku», - padkreśliŭ biełaruski lidar.
Pazicyja Biełarusi pa ŭkrainskich padziejach zastajecca niaźmiennaj, zajaviŭ Łukašenka.
«Ja chacieŭ by skazać niekalki słoŭ ab toj situacyi, jakaja niepakoić, zrazumieła, kiraŭnictva našaj krainy i biełaruski narod. Vielmi šmat ciapier u srodkach masavaj infarmacyi ŭdzialajecca hetamu ŭvahi, pačynajučy ad charaktarystyki samoj abstanoŭki da niejkaj sproby razvarušyć Łukašenku: čamu jon, ci bačycie, maŭčyć i my nie vyznačajemsia adnosna padziej, pierš za ŭsio jakija adbyvajucca va Ukrainie», - adznačyŭ jon.
«Treba skazać, toj, chto ŭvažliva sočyć za palitykaj i situacyjaj, hetaha nie skaža, tamu što ŭ samym pačatku my adnaznačna zajavili ab svajoj pazicyi.
I heta pazicyja kansalidavanaja, heta adzinaja pazicyja. Bolš taho, ministru zamiežnych spraŭ było daručana danieści našu pazicyju da suśvietnaj supolnaści i kiraŭnictva inšych dziaržaŭ, što i było zroblena. Takaja pazicyja zastajecca na siońnia niaźmiennaj», - zajaviŭ Łukašenka.
«Nas, viadoma, niepakoić abstanoŭka, jakaja składajecca va Ukrainie. Heta naša kraina, heta našy ludzi, heta našy braty. I ja adkryta skažu, što taho, što ciapier tvorycca va Ukrainie i z narodam Ukrainy, narod Ukrainy nie zasłuhoŭvaje, — padkreśliŭ biełaruski lidar. —Heta hieraičny narod, heta narod, jaki ŭ pieravažnaj svajoj bolšaści zmahaŭsia suprać fašyzmu, my byli razam u apošniaj vajnie, i my ŭ hetaj vajnie pieramahli. Tamu pazicyja dziakujučy našaj histaryčnaj pamiaci, našaj historyi, adnaznačnaja».
U handlova-ekanamičnym supracoŭnictvie Biełaruś i Ukraina dasiahali tavaraabarotu amal $7 młrd. «Heta śviedčyć ab vielmi ciesnych ekanamičnych adnosinach pamiž Biełaruśsiu i Ukrainaj», - adznačyŭ Prezident.
«Tolki nazyvajučy ekspromtam niekalki momantaŭ, ja mahu zadać rytaryčnaje pytańnie: jakoje kiraŭnictva i jakuju krainu nie chvalavała b toje, što adbyvajecca ŭ susiedziaŭ pry takoj situacyi, pry takich uzajemasuviaziach? Viadoma, nas heta niepakoić», - dadaŭ biełaruski lidar.
Kamientary