Łukašenka nie vyklučaje adstaŭki ŭrada, ale pakul nie bačyć kankretnaj kandydatury na pasadu premjera
Vystupajučy pierad žurnalistami na vybarčym učastku 23 sakavika, Alaksandr Łukašenka pryznaŭ, što situacyja ŭ ekanomicy niaprostaja i pryčynami źjaŭlajucca nie tolki ŭnutranyja faktary, ale i źniešnija:
«Vy bačycie, što adbyvajecca navokał. Devalvavaŭ kazachstanski tenhie, devalvavany rasijski rubiel i praciahvaje padać, Ukraina abvaliłasia. U Jeŭropie niesałodkija časy. A heta našyja rynki, 70 % vyrablenaha my pradajom. My vielmi zaležnyja z hetym sensie. Treba na heta hladzieć realna, adkrytymi vačyma».
Łukašenka nie vyklučaje adstaŭki ŭradu ŭ vypadku,
kali nie buduć vykananyja klučavyja ekanamičnyja pakazčyki, vykanańnia jakich jon zapatrabavaŭ da 1 krasavika 2014 hoda, pieradaje karespandent BiełTA.
Adkazvajučy na pytańnie, chto moža stać novym premjer-ministram, Alaksandr Łukašenka skazaŭ, što pakul u jaho niama kankretnaj kandydatury:
«Premjer-ministry ź niadkul nie biarucca, jany niedzie navidavoku, i vy hetych palitykaŭ bačycie». Pavodle acenki Łukašenki, na rolu premjer-ministra, mohuć pretendavać 35—40 čałaviek.
Alaksandr Łukašenka padkreśliŭ, što ŭ vypadku, kali budzie rašeńnie ab źmienie premjer-ministra, usio adbudziecca pa Kanstytucyi: «Prezident prapanuje kandydaturu, uniasie jaje na zaćviardžeńnie ŭ parłamient, vy (žurnalisty) budziecie jašče doŭha pisać, abmiarkoŭvać hetyja kandydatury, nichto rot vam zakryvać nie budzie, u nas u hetym poŭnaja demakratyja».
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary