Rasijskimi vajennymi zachoplenyja ŭžo troje kamandziraŭ ŭkrainskich vajskovych častak u Krymie: kamandzir vajskovaj častki A4398 (h. Sievastopal) kapitan 2 ranhu Dziamjanienka V.M., namieśnik kamandujučaha Vajenna-marskich sił USU bierahavoj abarony — načalnik Upraŭleńnia vojskaŭ bierahavoj abarony hienierał-major Ihar Varončanka i kamandzir vajskovaj častki ŭ Bielbieku Julij Mamčur.
Julij Mamčur byŭ zachopleny 22 sakavika rasijskim śpiecnazam, aryštavany i dastaŭleny ŭ vajennuju turmu ŭ Sievastopali.
Ihar Varončanka ŭžo kala sutak nie vychodzić na suviaź: napiaredadni ŭ 11.00 jon vyjechaŭ ź Simfieropala ŭ supravadžeńni niekalkich ludziej u nieviadomym nakirunku.
Siońnia taksama byŭ zatrymany kamandzir vajskovaj častki Sievastopala Dziamjanienka.
Minabarony vykazvaje ździŭleńnie adnosna vykanańnia zajaŭ vyšejšaha kiraŭnictva Rasijskaj Fiederacyi, u pieršuju čarhu prezidenta RF Uładzimira Pucina i ministra abarony hienierała armii Šajhu, ab harantyjach biaśpieki asabistaha składu Uzbrojenych Sił Ukrainy i členaŭ ich siemjaŭ u Aŭtanomnaj respublicy Krym. Pakolki hetyja abiacańni ŭ realnaści akazvajucca chłuśnioj, paviedamlaje UNIAN.
Kamientary