Proźvišča, imia, fotazdymki i data naradžeńnia Natalli Pakłonskaj źjavilisia ŭ pieraliku «asobaŭ, jakija chavajucca ad orhanaŭ ułady». Raniej Pakłonskaja zajaŭlała, što jaje padnačalenym pastupajuć pahrozy z hienprakuratury Ukrainy.
Słužba biaśpieki Ukrainy abviaściła ŭ vyšuk Natallu Pakłonskuju, jakaja vykonvaje abaviazki prakurora Respubliki Krym, adpaviednaja infarmacyja raźmieščana na sajcie ŭkrainskaha MUS.
Pavodle infarmacyi sajta, jaje šukajuć za «dziejańni, učynienyja z metaj hvałtoŭnaha źmianieńnia abo źviaržeńnia kanstytucyjnaha ładu ci zachopu dziaržaŭnaj ułady». Proźvišča, imia, fatahrafija i data naradžeńnia Natalli Pakłonskaj źjavilisia ŭ apublikavanym na sajcie pieraliku «asobaŭ, jakija chavajucca ad orhanaŭ ułady».
Raniej Pakłonskaja zajaŭlała, što jaje padnačalenym da hetaha času pastupajuć pahrozy z hienprakuratury Ukrainy.
U Krymie 16 sakavika prajšoŭ refierendum, jaki zachad i ES ličać niezakonnym, ab statusie aŭtanomii, dzie bolš za 96 % vybarščykaŭ vykazalisia za ŭvachodžańnie respubliki ŭ skład RF. Prezident Rasii 21 sakavika padpisaŭ zakon ab ratyfikacyi dahavora i fiederalny kanstytucyjny zakon ab utvareńni ŭ Rasijskaj Fiederacyi novych subjektaŭ — Respubliki Krym i horada fiederalnaha značeńnia Sievastopala.
U aŭtorak stała viadoma, što hienprakuror RF Jury Čajka vydaŭ zahad ab stvareńni prakuratury Respubliki Krym i prakuratury horada Sievastopala ŭ sistemie prakuratury RF. Vykonvajučaj abaviazki prakurora Respubliki Krym była pryznačanaja Pakłonskaja. Usiaho ŭ Respublicy Krym budzie sfarmiravana 22 terytaryjalnyja prakuratury. Taksama ŭ sistemu prakuratury RF ŭvojduć miascovyja pryrodaachoŭnyja, transpartnyja i vajennyja prakuratury.
Čytajcie taksama Jak Natalla Pakłonskaja stała zorkaj internetu
Čym viadomaja Natalla Pakłonskaja
Natalla Uładzimiraŭna Pakłonskaja naradziłasia 18 sakavika 1980 ŭ Krymskaj vobłaści, SSSR. Słužyła ŭ Hienprakuratury Ukrainy. 25 lutaha 2014 h. napisała rapart ab zvalnieńni. 11 sakavika 2014 h pryznačanaja na pasadu prakurora Aŭtanomnaj Respubliki Krym.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary