Barysaŭskim rajonnym adździełam Śledčaha kamiteta Biełarusi rasśledujecca sprava ŭ dačynieńni da indyvidualnaha pradprymalnika sa Staŭbcoŭskaha rajona, jaki abvinavačvajecca va ŭčynieńni złačynstva, praduhledžanaha č. 3 art. 328 KK (niezakonnyja dziejańni z metaj zbytu, nabyćcio, zachoŭvańnie, pieravozka narkatyčnych srodkaŭ, učynienyja asobaj, jakaja raniej učyniła złačynstva, praduhledžanaje art. 328 KK, u dačynieńni da narkatyčnych srodkaŭ u bujnym pamiery, a roŭna ŭ dačynieńni da asabliva niebiaśpiečnych narkatyčnych srodkaŭ).
Jak paviedamiła aficyjny pradstaŭnik upraŭleńnia SK pa Minskaj vobłaści Taćciana Biełanoh, padčas praviadzieńnia apieratyŭna-vyšukovych mierapryjemstvaŭ pa spynieńni kanału pastaŭki narkotykaŭ z terytoryi Rasii ŭ Biełaruś supracoŭnikami narkakantrolu UUS Minabłvykankama sumiesna sa śpiecpadraździaleńniem MUS «Ałmaz» na 449-m km trasy Brest — Minsk — miaža RF byŭ zatrymany aŭtamabil «Aŭdzi-100», jakim kiravaŭ 41-hadovy mužčyna. U jaho znojdziena i kanfiskavana bolš za 24,4 hrama hierainu. Narkotyk znachodziŭsia ŭ pačku ad cyharet.
Ustanoŭlena, što zatrymany nabyŭ asabliva niebiaśpiečny narkatyčny srodak u Maskvie 26 sakavika 2014 hoda i z metaj zbytu pryvioz u Biełaruś.
Śledstvam praviarajecca datyčnaść inšych asob da ŭčynienaha złačynstva. Abvinavačvany ŭziaty pad vartu. Raniej jon užo byŭ sudzimy za anałahičnaje złačynstva.
Sankcyja artykuła praduhledžvaje maksimalnaje pakarańnie da 13 hadoŭ pazbaŭleńnia voli.
Kamientary