Delehacyja Danieckaha harsavieta pierakanała prarasijskich aktyvistaŭ, jakija zachapili zbroju ŭ budynku Upraŭleńnia SBU, zdać choć by častku arsienała. Pra heta siońnia, 8 krasavika, u chodzie pres-kanfierencyi paviedamiŭ mer Daniecka Alaksandr Łukjančanka.
Jon raspavioŭ, što na pieramovy z zachopnikami byli delehavanyja — sakratar haradskoha savieta Siarhiej Bahačoŭ, načalnik upraŭleńnia pa suviaziach z hramadskaściu Maksim Ravinski i jašče dva deputaty harsavieta.
Adnak Łukjančanka nie zmoh adkazać na pytańnie žurnalistaŭ adnosna kolkaści zdadzienaj zbroi.
«Ludzi, jakija biaruć na siabie adkaznaść, jany razumiejuć, što zbroja moža pryvieści da krovapralićcia. U vyniku jany dobraachvotna, sami inicyjavali sustreču z kiraŭnictvam milicyi i vyrašyli pytańnie sa zdačaj zbroi», — raspavioŭ Maksim Ravinski.
Taksama jon paviedamiŭ, što padčas pieramovaŭ z zachopnikami stała jasna, što ŭ adroźnieńnie ad pratestoŭcaŭ, ich kiraŭniki mohuć farmulavać sens svaich patrabavańniaŭ. Pa słovach Ravinskaha, jany patrabujuć refierendum pa decentralizacyi ŭ vyhladzie fiederalizacyi i tamu padobnaje.
«Akramia abiacańnia premjer-ministra Arsienija Jacaniuka, na siońniašni dzień realnych dziejańniaŭ, kab ludzi zrazumieli, jak buduć abaronienyja ich pravy, nie zroblena», — padsumavaŭ načalnik upraŭleńnia.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA3
Kamientary