Fiederalizacyja pryviadzie da raskołu i razbureńnia Ukrainy jak dziaržavy. Takuju dumku kiraŭnik Biełarusi vykazaŭ u intervju prahramie «Siońnia. Vynikovaja prahrama» telekampanii NTV.
«Kali vy chočacie zachavać Ukrainu adzinaj dziaržavaj, a ja chaču, kab Ukraina była cełasnaj manalitnaj adzinaj dziaržavaj, vielmi hetaha chaču, to nie treba pravodzić fiederalizacyi. Heta zaŭtrašni raskoł Ukrainy całkam, heta razburyć dziaržavu», — padkreśliŭ Alaksandr Łukašenka.
«Siońnia heta pryhoža, intaresy niejkich rehijonaŭ buduć vykanany. Nu a zaŭtra? A zaŭtra hulcam asnoŭnym možna budzie hulać na hetaj fiederalizacyi.
Nu što, ja siadžu ŭ Charkavie abo ŭ Łuhansku, uvieś taki, amal jak prezident u Kijevie… Kamuści treba na hetym zhulać — zhulajuć. i heta pryviadzie da razbureńnia Ukrainy.
Usie: i vy, i ja, i ŭnutry (va Ukrainie), i amierykancy, jakija ciapier instruktujuć ich, usio heta razumiejuć, — skazaŭ kiraŭnik dziaržavy. — Tamu ja navat nie chaču dyskutavać na hetuju temu, ja kateharyčna suprać fiederalizacyi, bo ja za adzinuju Ukrainu».
Razam z tym Łukašenka adznačyŭ, što na fiederalizacyi Ukrainy možna było b syhrać,
«kab nie dapuścić toje, čaho my baimsia bolš za ŭsio z Rasijaj, — heta źjaŭleńnie nataŭskich vojskaŭ na terytoryi Ukrainy».
«I ŭ vypadku fiederalizacyi heta možna było praduchilić. Ale ja liču, što my hulać pavinny pa-vialikamu — my pavinny, zachavaŭšy cełasnaść Ukrainy, zrabić tak, kab nikomu navat u hałavu nie pryjšło, što možna nataŭcy stupić botam svaim na ziamlu Ukrainy. Tak, heta prablema składaniej, ale rašeńni składanych pytańniaŭ nie lažać na pavierchni, nikoli ŭ historyi hetaha nie było», — adznačyŭ kiraŭnik dziaržavy.
«Šturchać Ukrainu na fiederalizacyju zaraz, heta vielmi niebiaśpiečna. Niebiaśpiečna ŭsim: i Biełarusi z Rasijaj, i Zachadu.
Nikoli ludzi z hetym tam nie pahodziacca. Nikoli!», — padkreśliŭ biełaruski lidar.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary