Siaredni košt pucioŭki ŭ azdaraŭlenčy łahier z kruhłasutačnym znachodžańniem dziaciej składzie sioleta 3 młn. 100 tys. rubloŭ, a dziaržaŭnyja datacyi buduć vydzialacca ŭ pamiery 1 młn. 200 tys. rubloŭ,
paviedamiŭ dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski na pres-kanfierencyi ŭ Minsku 15 krasavika.
U 2013 hodzie pucioŭka ŭ taki łahier kaštavała 2 młn. 117,5 tys. rubloŭ.
Pavodle słoŭ Bałbatoŭskaha, suma dziarždatacyj na nabyćcio pucioŭki dla dziciaci ŭ azdaraŭlenčy łahier ź dzionnym znachodžańniem składzie 500 tys. rubloŭ,
u profilny azdaraŭlenčy łahier z kruhłasutačnym znachodžańniem — 520 tys. rubloŭ. Baćkoŭskaja płata nie pieravysić 200 tys. rubloŭ.
Dyrektar centra padkreśliŭ, što 80% srodkaŭ, vydzielenych dziaržavaj na sanatorna-kurortnaje lačeńnie, buduć vydatkavany na azdaraŭleńnie dziaciej. Płanujecca, što ŭ azdaraŭlenčych łahierach adpačnuć 354 tys., abo prykładna 35%, školnikaŭ.
U 2013 hodzie ŭ azdaraŭlenčych łahierach usich typaŭ letam adpačyła pryblizna 377 tys. dziaciej. Usiaho ŭ Biełarusi 170 atestavanych azdaraŭlenčych łahieraŭ na 32.041 miesca.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»28
Kamientary