Były palitviazień mieŭsia lehčy ŭ pryvatny minski špital na abśledavańnie i lačeńnie 28 maja. Napiaredadni jamu admovili ŭ vyjeździe z Vaŭkavysku.
Mikoła Aŭtuchovič zastajecca pad previentyŭnym nahladam. Akramia taho, što jon musić być u chacie ad 22:00 da 6:00, jamu nielha vyjazdžać biez dazvołu za miežy Vaŭkavysku, dzie jon ciapier žyvie.
Stan zdaroŭja byłoha vaŭkavyskaha pradprymalnika padčas 9 hadoŭ źniavoleńnia značna pahoršyŭsia. Kiepskija analizy kryvi, złamanyja zuby, ale najbolš jaho turbuje bol u pravaj ruce. Spadar Mikałaj užo abśledavaŭsia ŭ Horadni ŭ pieršy dzień paśla vychadu na volu, paśla – u Vaŭkavysku. Ale daktary pakul nie mohuć znajści pryčynu bolu. Tamu Aŭtuchovič i šukaje, dzie jaho zdaroŭju zmohuć dapamahčy. Adnačasova były viazień musić zrabić admysłovyja analizy kryvi na cukar, bieź jakoha jamu nielha ŭstavić zuby.
Pieršapačatkova Aŭtuchovič chacieŭ pajechać u vilenski špital, ale jamu nie dazvolili – patrabavali davieści, što ŭ Biełarusi niama adpaviednaha abstalavańnia i miedyčnych kadraŭ. Hetaha zrabić nie atrymałasia, i tady jon pieranakiravaŭsia na Miensk. Da apošniaha momantu jaho nibyta vypuskali tudy na lačeńnie.
Były palitviazień na patrabavańni milicyjantaŭ niekalki razoŭ prynosiŭ u RAUS nakiravańnie ŭ špital dy inšyja dakumienty, adnak kožny raz słužboŭcy patrabavali novyja papiery. U vyniku dazvołu na vyjezd jon hetak i nie atrymaŭ.
Mikoła Aŭtuchovič budzie paŭtorna prasić dazvołu vyjechać u Miensk lačycca.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary