Na šachtach uschodniaj Ukrainy ŭsia vybuchoŭka pieramieščanaja z pavierchni pad ziamlu. Pra heta siońnia na pres-kanfierencyi paviedamiŭ pieršy namieśnik ministra enierhietyki i vuhalnaj pramysłovaści Juryj Ziukaŭ.
Pavodle jaho słoŭ, na šachtach isnuje dva vidy składoŭ: bazisnyja, jakija raźmiaščajucca na pavierchni, u jakich zachoŭvajecca ŭ siarednim siamidzionny zapas vybuchoŭki, i raschodnyja, padziemnyja.
«My prybrali… składy na pavierchni, usia vybuchoŭka apuščanaja pad ziamlu. Ale niahledziačy na heta, tydzień tamu sieparatysty ŭ Lisičansku na šachcie Pryvalnianskaja ŭvajšli sa zbrojaj u kabiniet dyrektara, prystavili jamu stvoł aŭtamata da hrudziej i zapatrabavali vydačy vybuchoŭki na pavierchniu… Pry hetym u asnoŭnaj masie haradoŭ Danbasa kiraŭnikam šachtaŭ i šachcioram ciapier niama da kaho źviarnucca: tam niama ni kiraŭnikoŭ milicyi, ni kiraŭnikoŭ niejkaj siłavy słužby, jakaja mahła b abaranić… Nadzieja na našu armiju, na toje, što ŭ bližejšy čas vyzvalać terytoryju», — skazaŭ jon.
Raniej nieadnarazova paviedamlałasia, što bajeviki błakavali šachty ŭ Danbasie, patrabujučy addać im vybuchoŭku.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami6
Kamientary