Sioleta płanujecca pryniać novuju redakcyju Mytnaha kodeksa Mytnaha sajuza, paviedamiŭ 18 červienia ŭ Minsku na sumiesnym pasiadžeńni rabočaj hrupy «Transpart, łahistyka, mytnaja sprava» pry Pradstaŭnictvie niamieckaj ekanomiki ŭ Biełarusi i ekśpiertna-kansultatyŭnaj hrupy pa mytna-taryfnym rehulavańni pry Dziaržaŭnym mytnym kamitecie staršynia ekśpiertna-kansultatyŭnaj hrupy i sustaršynia pracoŭnaj hrupy Vadzim Mackievič.
«Pakul nieviadoma, heta budzie novy kodeks ci papraŭki da ciapierašniaha. Abjom papravak užo pieravyšaje 200. Heta amal uvieś paartykulny abjom samoha kodeksa», — skazaŭ Mackievič.
Jon adznačyŭ, što «cikavaje pytańnie, nakolki navacyi kodeksa adpaviadajuć intaresam nacyjanalnaha zakanadaŭstva». «Jość mižnarodny dahavor ab MK MS, ale pry hetym kožnaja kraina maje svoj zakon ci kodeks pa mytnym rehulavańni, i bolšaja častka pytańniaŭ znachodzicca ŭ kampietencyi nacyjanalnych zakanadaŭstvaŭ», — adznačyŭ ekśpiert.
Siarod hetych pytańniaŭ — mytnyja płaciažy, akcyzy i padatki, spahnańni i pienia. «My nie možam pryjści da adzinaha mierkavańnia. A heta stvaraje niaroŭnuju kankurencyju ŭ kančatkovym vyniku», — adznačyŭ Mackievič.
«Madernizacyja staroha Mytnaha kodeksa paciahnie za saboj istotnyja źmianieńni. Jość try pakazčyki, jakija paznačyła JEEK: aŭtamatyčnaja rehistracyja dekłaracyi, aŭtamatyčny vypusk tavaraŭ, pašyreńnie spraščeńniaŭ dla subjektaŭ haspadarańnia. Kali pieršyja dva — techničnyja aśpiekty, to treci niepasredna datyčycca subjektaŭ haspadarańnia. Ale pakul heta zakranie tolki ŭpaŭnavažanych ekanamičnych apierataraŭ (UEA), bo suma zabieśpiačeńnia dla hetaha statusu davoli vialikaja i jany mohuć harantavać svaju finansavuju biaśpieku pierad mytnymi orhanami», — skazaŭ Mackievič.
Siarod spraščeńniaŭ praduhledžvajecca ažyćciaŭleńnie mytnych apieracyj u pieršačarhovym paradku, addaleny vypusk tavaraŭ, minimizacyja mytnaha kantrolu, vypusk tavaraŭ u termin, jaki nie pieravyšaje troch hadzin, pamiaškańnie tavaraŭ pad mytnuju praceduru mytnaha tranzitu biez davańnia zabieśpiačeńnia mytnych płaciažoŭ, vypłata mytnych pošlin i padatkaŭ paśla vypusku da padačy dekłaracyi. «Kali ŭdasca prajści choć by hety etap, biełaruskija pieravozčyki i łahisty zmohuć pracavać u novych ekanamičnych umovach», — adznačyŭ ekśpiert.
Pavodle słoŭ Mackieviča, pa kolkaści UEA lidziruje Biełaruś — 300 subjektaŭ haspadarańnia, u RF — krychu bolš za 100, u Kazachstanie — 14. «Skazać, nakolki navieły zakanadaŭstva adabjucca na dziejnaści, pakul ciažka. Ale mytnyja orhany šukajuć subjekty, jakija mahli b realizavać hetyja spraščeńni ź minimalnym uzroŭniem mytnaha kantrolu, jaki davoli darahi», — skazaŭ Mackievič.
Kamientary