Alaksandr Łukašenka aryjentuje kalijščykaŭ akuratna reahavać na isnujučyja na rynku tendencyi. Takuju zadaču kiraŭnik dziaržavy pastaviŭ siońnia, naviedvajučy AAT «Biełaruśkalij».
«Ja tak razumieju, našy kankurenty ŭ śviecie zachvalavalisia, jany ŭžo nam prapanujuć da ich u abdymki. Ni ŭ jakim vypadku my ŭ taktycy nie pavinny prajhrać. Kali jany nam prajhrajuć, chaj prychodziać i kažuć: my prajhrali. I z hetaha budziem zychodzić», — adznačyŭ Łukašenka.
«Kali my vychodzim na abjomy suśvietnych pastavak, značyć, davajcie damaŭlacca, — skazaŭ jon. — Nie — značyć, ni na jakija damovy ni z «Urałkalijem», ni z kim nie iści».
«Usio pavinna być u našych intaresach. Ale ni ŭ jakim razie nie pavinna być i asabistych ambicyj. Usio pavinna być akuratna, - padkreśliŭ Alaksandr Łukašenka. — Nie treba zavalvać rynak tannym kalijem, bo heta našy straty. Treba vielmi tonka, akuratna reahavać na tendencyi, jakija jość na rynku».
Łukašenku paviedamili ab vynikach finansava-haspadarčaj dziejnaści AAT «Biełaruśkalij», biahučym stanoviščy na suśvietnym rynku kalijnych uhnajeńniaŭ, pierśpiektyvach raźvićcia pradpryjemstva.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary