Uciekačy ź Iraka mohuć źjavicca ŭ Biełarusi praz dva-try miesiacy, zajaviŭ na pres-kanfierencyi 19 červienia načalnik departamienta pa hramadzianstvie i mihracyi MUS Alaksiej Biahun.
«Lubyja eskałacyi napružanaści ŭ dziaržavach zychodu biežancaŭ pryvodziać da taho, što ŭ dalejšym kolkaść asob, jakija chadajničajuć ab pradastaŭleńni statusu biežanca, pačynaje pavialičvacca», — padkreśliŭ jon.
«Ale pakolki hieahrafična Biełaruś raźmieščana na značnym addaleńni ad Iraka, nie maje ź im ahulnaj dziaržaŭnaj miažy, a taksama z-za peŭnaj vizavaj palityki Respubliki Biełaruś u dačynieńni da peŭnych krain my, chutčej za ŭsio, budziem nazirać pavieličeńnie kolkaści asob, jakija chadajničajuć ab pradastaŭleńni statusu biežanca abo dadatkovaj abarony z terytoryi hetaj dziaržavy tolki praź niekatory čas — dva ci try miesiacy, kali jany zmohuć lehalna ŭjechać, skažam, u Rasiju, a zatym u siłu peŭnych abstavin, moža, trapiać na terytoryju Biełarusi i buduć chadajničać ab pradastaŭleńni statusu biežanca», — skazaŭ Alaksiej Biahun.
Pry hetym jon adznačyŭ, što ŭ asnoŭnym zamiežniki, jakija pieraśledujucca ŭ dziaržavach hramadzianskaj prynaležnaści, u pieršuju čarhu imknucca pierajechać na terytoryju sumiežnych dziaržaŭ, a zatym vybirajuć sabie bolš-mienš kamfortnaje miesca dla žycharstva, vyznačajuć maršrut ruchu.
Pradstaŭnik MUS paviedamiŭ, što z kožnym hodam kolkaść asob, jakija źviartajucca ŭ biełaruskija kampietentnyja orhany za pradastaŭleńniem statusu biežanca abo dadatkovaj abarony, pavialičvajecca. U 2013 takich hramadzian było 203, z pačatku 2014 — užo 160. Na praciahu doŭhaha času ŭ hetaj masie daminavali hramadzianie Afhanistana, u 2013 hodzie — Siryi, u 2014-m — Ukrainy.
Pa słovach Biehuna, z 1997 hoda ab atrymańni statusu biežanca ŭ Biełarusi chadajničała kala 4000 zamiežnych hramadzian i asob biez hramadzianstva. Na siońnia jaho majuć 872 čałavieki. Prykładna 150 užo stali hramadzianami Biełarusi.
Kamientary