Уцекачы з Ірака могуць з'явіцца ў Беларусі праз два-тры месяцы, заявіў на прэс-канферэнцыі 19 чэрвеня начальнік дэпартамента па грамадзянстве і міграцыі МУС Аляксей Бягун.
«Любыя эскалацыі напружанасці ў дзяржавах зыходу бежанцаў прыводзяць да таго, што ў далейшым колькасць асоб, якiя хадайнiчаюць аб прадастаўленні статусу бежанца, пачынае павялічвацца», — падкрэсліў ён.
«Але паколькі геаграфічна Беларусь размешчана на значным аддаленні ад Ірака, не мае з ім агульнай дзяржаўнай мяжы, а таксама з-за пэўнай візавай палітыкі Рэспублікі Беларусь у дачыненні да пэўных краін мы, хутчэй за ўсё, будзем назіраць павелічэнне колькасці асоб, якія хадайнічаюць аб прадастаўленні статусу бежанца або дадатковай абароны з тэрыторыі гэтай дзяржавы толькі праз некаторы час — два ці тры месяцы, калі яны змогуць легальна ўехаць, скажам, у Расію, а затым у сілу пэўных абставін, можа, трапяць на тэрыторыю Беларусі і будуць хадайнічаць аб прадастаўленні статусу бежанца», — сказаў Аляксей Бягун.
Пры гэтым ён адзначыў, што ў асноўным замежнікі, якія пераследуюцца ў дзяржавах грамадзянскай прыналежнасці, у першую чаргу імкнуцца пераехаць на тэрыторыю сумежных дзяржаў, а затым выбіраюць сабе больш-менш камфортнае месца для жыхарства, вызначаюць маршрут руху.
Прадстаўнік МУС паведаміў, што з кожным годам колькасць асоб, якія звяртаюцца ў беларускія кампетэнтныя органы за прадастаўленнем статусу бежанца або дадатковай абароны, павялічваецца. У 2013 такіх грамадзян было 203, з пачатку 2014 — ужо 160. На працягу доўгага часу ў гэтай масе дамінавалі грамадзяне Афганістана, у 2013 годзе — Сірыі, у 2014-м — Украіны.
Па словах Бегуна, з 1997 года аб атрыманні статусу бежанца ў Беларусі хадайнічала каля 4000 замежных грамадзян і асоб без грамадзянства. На сёння яго маюць 872 чалавекі. Прыкладна 150 ужо сталі грамадзянамі Беларусі.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары