Siońnia Uładzimir Pucin prybyŭ u Rya-de-Žaniejra. Uviečary jon maje namier naviedać finał čempijanatu śvietu pa futbole, dzie buduć zmahacca futbalisty Hiermanii i Arhienciny.
Adrazu z aeraporta Pucin nakiravaŭsia na sustreču z kancleram Hiermanii Anhiełaj Mierkiel, ź jakoj abmierkavaŭ situacyju na Ukrainie.
Lidary dźviuch krain abmianialisia pryvitańniami i trochi pahutaryli pa-niamiecku. Dazvoliŭšy pradstaŭnikam ŚMI zrabić niekalki pratakolnych fotazdymkaŭ, dalej Pucin i Mierkiel praciahnuli hutarku biez žurnalistaŭ.
«Uładzimir Pucin i Anhieła Mierkiel ličać nieabchodnymi dla adnaŭleńnia pracy kantaktnaj hrupy terminova abviaścić spynieńnie ahniu, abmienu pałonnymi». Pra heta zajaviŭ pres-sakratar Pucina Dźmitryj Piaskoŭ.
U chodzie hutarki z kancleram Hiermanii kiraŭnik RF nazvaŭ nieprymalnaj situacyju, kali ŭ vyniku dziejańniaŭ ukrainskich uzbrojenych sił adbyłasia trahiedyja z abstrełam u Rastoŭskaj vobłaści.
«Pucin vykazaŭ krajniuju zaniepakojenaść nastupalnymi dziejańniami z boku ukrainskich uzbrojenych sił, akcentavaŭšy pry hetym nieprymalnaść takich vypadkaŭ, kali śledstvam hetych dziejańniaŭ stanovicca papadańnie snaradaŭ na terytoryju Rasijskaj Fiederacyi, što ŭ svaju čarhu pryviało da siońniašniaha trahičnaha vypadku ŭ Rastoŭskaj vobłaści», — zajaviŭ Piaskoŭ žurnalistam pa vynikach hutarki kiraŭnikoŭ dziaržaŭ.
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Sprava budzie daviedziena da kanca
-
U Pieciarburhu prafiesara aryštavali pa abvinavačvańni ŭ dziaržzdradzie, bo publikacyi mahła čytać narviežskaja raźviedka
-
Łaŭroŭ nazvaŭ zamach na hienierała Alaksiejeva sprobaj sarvać pieramovy
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni32
Kamientary