Ranicaj 13 lipienia, kala 09:20 pa maskoŭskim časie, u Daniecku (horad u RF, Rastoŭskaja vobłaść) u vyniku papadańnia miny ŭ dvor pryvatnaha doma pa vuł. Bałtyjskaj zahinuŭ miascovy žychar Andrej Šulaćjeŭ, 1967 hoda naradžeńnia. U jaho zastalisia čaćviora dziaciej.
Ad vybuchovaj chvali taksama paciarpieła 80-hadovaja žančyna. Jana dastaŭlena ŭ balnicu. Paciarpiełuju vykinuła vybuchovaj chvalaj z akna, pa papiarednich dadzienych, u jaje złamanaja šyjka ściahna.
Usiaho na pamiežny z Ukrainaj Danieck upali niekalki snaradaŭ. Adzin ź ich trapiŭ u aharod, jašče dva — u pryvatnyja damy.
U zroblenaj siońnia MZS RF zajavie adznačajecca, što «ŭ vyniku papadańnia snarada ŭ žyły dom adzin hramadzianin RF zahinuŭ, dva atrymali surjoznyja ranieńni».
Rasijski bok razhladaje incydent u Daniecku (RF), u vyniku jakoha zahinuŭ miascovy žychar, jak čarhovy ahresiŭny akt ukrainskaha boku ŭ dačynieńni da suverennaj rasijskaj terytoryi i hramadzian Rasijskaj Fiederacyi.
U MZS Rasii byŭ zaprošany pavierany ŭ spravach Ukrainy ŭ Rasijskaj Fiederacyi, dzie jamu byŭ zajaŭleny rašučy pratest rasiejskaha boku.
«Hety incydent śviedčyć pra vielmi niebiaśpiečnuju eskałacyju napružanaści ŭ rajonie rasijska-ŭkrainskaj miažy i moža mieć niezvarotnyja nastupstvy, adkaznaść za jakija laža na ŭkrainski bok», — zajavili ŭ MZS RF.
Razam z tym namieśnik ministra zamiežnych spraŭ RF Ryhor Karasin zajaviŭ ab «rašučym adkazie na abstreł ukrainskimi vajennymi terytoryi RF».
«Demaršy buduć žorstkimi, kankretnymi, ale dla hetaha treba vyśvietlić usie abstaviny zdareńnia», — zajaviŭ Karasin.
Da prymianieńnia vysokadakładnaj zbroi ŭ metach abstrełu ŭkrainskaj terytoryi zaklikaŭ siońnia vice-śpikier Savieta fiederacyi Jaŭhien Bušmin, jaki pradstaŭlaje ŭ pałacie Rastoŭskuju vobłaść, paviedamlaje rasijskaje ahienctva RIA Naviny.
«Treba vykarystoŭvać kropkavuju zbroju, u tym liku jak Izrail, kab źniščyć tych, chto hety fuhas (u rasijski Danieck) zapuściŭ», — ličyć Jaŭhien Bušmin.
Jon nahadaŭ, što izrailskija ŭłady ŭ vypadku padobnych abstrełaŭ ich terytoryi vyličajuć, adkul zapuskajecca rakieta, i kropkava źniščajuć puskavuju ŭstanoŭku.
Sienatar sumniavajecca, što možna budzie damovicca z ukrainskim bokam, kab bajavyja dziejańni va Ukrainie, navat uskosna, nie raspaŭsiudžvalisia na pamiežnyja rehijony RF, pakolki kijeŭskija ŭłady nie kantralujuć situacyju całkam.
Ab niedatyčnaści ŭkrainskich vajskoŭcaŭ da abstrełu terytoryi Rasijskaj Fiederacyi i hibieli tam rasijskaha hramadzianina siońnia na bryfinhu zajaviŭ śpikier infarmacyjna-analityčnaha centra SNBA Andrej Łysienka.
«Siły ATA nie viaduć ahniu pa terytoryi susiedniaj krainy. Siły ATA nie viaduć ahniu pa žyłych kvartałach», — padkreśliŭ Łysienka.
I nahadaŭ pra fakty, kali bajeviki adkryvali ahoń pa terytoryi RF i pa mirnych žycharach z metaj pravakacyi, «kab uskłaści vinu za achviary na ŭkrainskich vajennych».
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary