Koval: Pa ŭkrainskich vajskoŭcach u Zielenapolli chutčej za ŭsio stralali z rasijskaj SZA «Tarnada»
Namieśnik sakratara Rady nacyjanalnaj biaśpieki i abarony Michaił Koval paćvierdziŭ, što pad Zielenapollem terarysty abstrelvali ŭkrainskich bajcoŭ z rasijskich sistem załpavaha ahniu «Tarnada».
Pra heta jon skazaŭ u žyvym efiry «Svabody słova» na ICTV u paniadziełak, 14 lipienia.
«Pa niadaŭnich padziejach u rajonie Zielenapolla. My, vajennyja ekśpierty, vyrazna bačym, što stralali nie z ŭstanoŭki «Hrad». A stralali chutčej z ŭstanoŭki «Tarnada», pryniataj va ŭzbrojenych siłach Rasii ŭ 2010 hodzie. Tamu što ŭsie źniščeńni našaj techniki, usio tyja momanty, jakija my bačym na zdymkach, padkazvajuć, što heta mienavita tyja reaktyŭnyja snarady, jakija prymianiajucca mienavita hetaj sistemaj», — skazaŭ Koval.
Nahadajem, što pra abstreł z «Tarnada» pad Zielenapollem 13 lipienia paviedamiŭ žurnalist telekanała «Inter» Raman Bačkała.
Pavodle jaho słoŭ, kali «Hrad» moža vieści ahoń na adlehłaści 20 km, to «Tarnada» — na adlehłaści 90 km. Heta moža značyć, što ź sistem «Tarnada» stralali z terytoryi RF. U vyniku abstrełu pad Zielenapollem zahinuli 19 ukrainskich vajskoŭcaŭ, dakładnaja kolkaść paranienych pakul nie viadoma.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary