U Śledčym kamitecie RF sprabujuć zapeŭnić, što Saŭčanka pierasiekła miažu z Rasiejaj samastojna biez dakumientaŭ pad vyhladam uciakački. Adnak sama lotčyca prainfarmavała, što ŭ Rasieju jaje dastavili siłkom.
Ukrainskaja lotčyca Nadzieja Saŭčanka, jakaja znachodzicca ŭ rasijskim pałonie, paćvierdziła, što była hvałtoŭna vyvieziena z terytoryi Ukrainy.
Pra heta, jak infarmuje ŭ sieradu, 16 lipienia, pres-słužba prezidenta Ukrainy, jana paviedamiła padčas sustrečy z konsułam Ukrainy ŭ RF Hienadziem Braskalenka.
«Nadzieja Saŭčanka paćvierdziła, što bieź jaje zhody jana była niezakonna vyvieziena z terytoryi Ukrainy ź miecham na hałavie i ŭ kajdankach. Pry hetym vykradalniki źmianili niekalki mašyn», — havorycca ŭ paviedamleńni.
U pres-słužbie dadali, što, pratestujučy suprać niezakonnaha vyvazu ŭ inšuju krainu i patrabujučy sustrečy z konsułam, ukrainskaja lotčyca abviaściła haładoŭku. U suviazi z tym, što da jaje dapuścili konsuła, jana haładoŭku spyniła.
Jak viadoma, ukrainski bok dzieviać razoŭ atrymlivaŭ admovu ŭ sustrečy z Saŭčanka.
31-hadovaja lotčyca vajavała na ŭschodzie Ukrainy ŭ składzie dabravolnickaha bataljona «Ajdar» i ŭ červieni trapiła ŭ pałon da niezakonnaha ŭzbrojenaha farmiravańnia pad horadam Ščaście Łuhanskaj vobłaści.
8 lipienia jana apynułasia ŭ Rasii ŭ varoniežskim SIZA.
U Śledčym kamitecie RF zajavili, što Saŭčanka pierasiekła miažu z Rasiejaj biez dakumientaŭ pad vyhladam biežanki i była zatrymanaja ŭ adnym z nasielenych punktaŭ dla vyśviatleńnia asoby, paśla čaho vyśvietliłasia, što jana źjaŭlajecca padazravanaj pa spravie ab zabojstvie rasijskich žurnalistaŭ pad Łuhanskam.
9 lipienia joj było aficyjna vystaŭlena abvinavačańnie ŭ sudziejańni ŭ zabojstvie. Abłasny sud pakinuŭ jaje pad vartaj da 30 žniŭnia.
Jeŭrapiejski sud pa pravach čałavieka 15 lipienia pačaŭ vytvorčaść pa spravie Saŭčanka suprać Rasiei, nadaŭšy spravie status pryjarytetnaj.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary