Rodnyja druhi dzień šukajuć hramadzianku Biełarusi, jakaja vyjechała ź siektara Haza
Svajaki druhi dzień nie mohuć znajści hramadzianku Biełarusi, jakaja vyjechała ź siektara Haza, dzie prachodzić izrailskaja apieracyja, u Jehipiet, pieradaje RIA Naviny sa spasyłkaj na jaje dačku, jakaja zastałasia ŭ palestynskim ankłavie.
Suviaź z 68-hadovaj hramadziankaj Biełarusi Hannaj Łotyš źnikła paśla taho, jak jana 17 lipienia vyjechała ź siektara Haza razam ź vialikaj hrupaj rasiejcaŭ i ŭkraincaŭ. Dačka źnikłaj kaža, što maci ŭ svoj čas trapiła ŭ siektar Haza nielehalna — «pa padziemnych kantrabandysckich tunelach». Jana padazraje, što adsutnaść patrebnych štampaŭ u pašparcie mahło pry vyjeździe stać padstavaj dla zatrymańnia pažyłoj žančyny jehipieckimi pamiežnikami i nastupnaj departacyi.
«Ja źviazałasia ź biełaruskimi dypłamatami ŭ Kairy i pastaviła ich u viadomaść. Majoj matuli 68 hadoŭ, u jaje chvoraje serca i padvyšany cisk», — skazała surazmoŭca.
Biełaruskija dypłamaty, pa jaje słovach, źviazalisia ź jehipieckimi pamiežnikami na pierachodzie «Rafach». Im paviedamili, što zatrymanych zamiežnikaŭ tam niama, ale napiaredadni ŭ Kair pajšoŭ aŭtobus z hrupaj asob, jakija padlahajuć departacyi. Ci jość siarod ich Hanna Łotyš, nieviadoma.
Rasijskija dypłamaty 17 lipienia zabiaśpiečyli bolš čym 70 hramadzianam RF, Ukrainy i Biełarusi mahčymaść biaśpiečnaha prajezdu pa siektary Haza da jehipieckaj častki «Rafach». Na nastupny dzień paśla vyjezdu hrupy ŭ palestynski ankłaŭ uvajšli izrailskija vojski. U chodzie hetaj apieracyi ŭ siektary Haza zahinuli bolš za 300 palestyncaŭ.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary