Terarystyčnaja hrupoŭka «Danieckaja respublika», jakaja ŭ 2014 hodzie była pierajmienavanaja ŭ «Danieckuju narodnuju respubliku», viała padrychtoŭku da ŭzbrojenaha paŭstańnia na terytoryi Danieckaj vobłaści z 2009 hoda. Pra heta śviedčać fatahrafii, jakimi vałodaje ahienctva žurnalisckich rasśledavańniaŭ «Danieckaja praŭda», zroblenyja ŭ vajskovym łahiery «DNR» u 2009 hodzie. Miarkujučy pa fota, na terytoryi vajskovaha łahiera ŭ Danieckaj vobłaści, členaŭ DNR navučali stralać i rabić «kaktejli Mołatava» jašče ŭ 2009 hodzie. Padobny łahier taksama isnavaŭ i ŭ horadzie Makiejeŭka.
Nahadajem, u 2007 hodzie suprać hramadskaj arhanizacyi «Danieckaja respublika» prakuraturaj byli ŭzbudžanyja kryminalnyja spravy pa art. 109, art. 110 i art. 161 Kryminalnaha kodeksa Ukrainy («Dziejańni, skiravanyja na hvałtoŭnaje źmianieńnie abo źviaržeńnie kanstytucyjnaha paradku abo zachop dziaržaŭnaj ułady», «Zamach na terytaryjalnuju cełasnaść i niedatykalnaść Ukrainy», «Parušeńnie raŭnapraŭja hramadzian u zaležnaści ad ich rasavaj, nacyjanalnaj prynaležnaści abo adnosiny da relihii») paśla mitynhu, jaki siabry arhanizacyi praviali ŭ 2006 hodzie na płoščy Lenina ŭ centry Daniecka.
U vyniku ŭ 2008 hodzie sud pastanaviŭ zabaranić jurydyčnuju asobu «DR». Ale niahledziačy na rašeńnie suda, kiraŭnictva «DR» adkryła vajskovyja łahiery na terytoryi Danieckaj vobłaści, zabiaśpiečyŭšy ich poŭnym kamplektam bajavoj zbroi jašče ŭ 2009 hodzie.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary