Ministr unutranych spraŭ Ukrainy Arsien Avakaŭ u adkaz na rekamiendacyju Ukrainie z boku kiraŭnika MZS RF Siarhieja Łaŭrova vieści pieramovy z «apałčencami», paraiŭ kiraŭniku zamiežnapalityčnaha viedamstva Rasii adpravicca …
«Dažylisia. Łaŭroŭ-»miratvorac» raić: «Kiraŭnik MZS Rasii Siarhiej Łaŭroŭ zajaviŭ, što dla ŭrehulavańnia situacyi na Danbasie ułady Ukrainy nie pavinny vystaŭlać terarystam ultymatumy, a naadvarot pavinny pačać ź imi «pramyja pieramovy». Łaŭroŭ raić… Jakija da čorta pramyja pieramovy z terarystami?! Z Łaŭrovym — i to ŭžo treba dumać, ci havaryć», — napisaŭ ministr unutranych spraŭ Ukrainy na svajoj staroncy ŭ Facebook.
Avakaŭ padkreśliŭ, što mahčymy tolki adzin farmat pieramoŭ - u farmacie čatyroch: Ukraina, ZŠA, Jeŭrasajuz i Rasija. «Nie ŭdvaich, nie ŭtraich — tolki ŭčatyroch. Kab čullivyja jeŭrapiejcy, raźmiakčyŭšy serca, znoŭ nie «ŭvajšli ŭ stanovišča» niebaračnaha pucinskaha režymu», — skazaŭ ministr i dadaŭ, što Jeŭrasajuz pavinny pradstaŭlać Niderłandy jak najbolš paciarpieły bok ad dziejańniaŭ rasijskich dyviersantaŭ.
«Pradmiet pieramovaŭ tolki adzin — pra toje, jak Rasija pierastanie zasyłać da nas bajevikoŭ i zbroju. Pra toje, jak pierastanie źbivać samaloty i padtrymlivać teraryzm. Pra toje, jak pierastanie špihavać minami našu ziamlu, i padryvać masty. Pra toje, jak zabiare svaich vajskoŭcaŭ z krainy», — napisaŭ Avakaŭ.
«Pra što jašče?! Z kim vieści «pramyja» pieramovy? Z fsbšnikami-hrušnikami, jakija vydajuć siabie za «miaciežny ŭkrainski narod», hramadzianami Rasii Hirkinym i Baradajem? Moža z rastoŭskim aŭtazapraŭščykam-dvajažencam Matarołam, jakija nazvali siabie «narodnym meram «? Moža z hramadzianinam RF Bieźleram-Biesam, jaki źbivaje hramadzianskija samaloty?!» — napisaŭ Avakov i dadaŭ, nie strymlivajučy emocyj: «A moža prosta pajści im k … maciery, a my tut sami raźbiaremsia?! I budzie ŭsio dobra i dobra, biez usioj hetaj navałačy — tak, jak u Słaviansku ciapier! Tak, jak abaviazkova budzie ŭ inšych haradach Danbasa».
«Pra heta ja dumaju i varta realna pahavaryć na čatyrochbakovaj sustrečy. Ni ab čym inšym», — zajaviŭ Avakaŭ.
Ministr taksama dadaŭ, što pradbačyć «chanžaskuju krytyku ab ŭžyvańni idyjom rasiejskaj movy ŭkrainskim ministram, jakija znachodziacca ŭ vyšuku ŭ Rasii». «Liču, u kantekście pieramovaŭ z ruskim miram, jaki źbivaje hramadzianskija samaloty, jarkija idyjomy «vialikaha i mahutnaha» — apraŭdanaj formaj dachodlivaha vykładańnia dumak», — reziumavaŭ jon.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary