U vioscy Maljeva Babrujskaha rajona sabaka bajcoŭskaj parody ratviejler adkusiŭ ruku žančynie.
Niaščasny vypadak adbyŭsia jašče 3 lipienia. «Sabaka naležaŭ pryjomnamu synu žančyny, jaki pryvioz žyviołu ŭ viosku. Sabaka ŭžo miesiac tam pražyŭ, a potym žančyna kudyści adyjšła, začyniŭšy jaho ŭ domie. Vidavočcy raskazvali, što sabaka niekalki dzion zastavaŭsia bieź ježy, i kali žančyna ŭvajšła ŭ dom, jon kinuŭsia na jaje i adkusiŭ ruku vyšej łokcia», — raspaviała vykonvajučaja abaviazki hałoŭnaha ŭrača Babrujskaj rajonnaj vieterynarnaj stancyi Maryna Cimafiejeva.
Paciarpiełaja była dastaŭlenaja ŭ reanimacyju, adnak reanimavać kaniečnaść nie ŭdałosia.
Ratviejlera zabili. Vyniki daśledavańnia adnosna šalenstva pakul nie pastupili z łabaratoryi ŭ Mahilovie.
Jak paviedamili BiełaPAN u pravaachoŭnych orhanach vobłaści, kryminalnaja sprava ŭ dačynieńni da haspadara sabaki nie raspačynałasia.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary