Alaksandr Łukašenka daručyŭ da 1 kastryčnika detalova prapracavać płan zabudovy ziamielnych učastkaŭ, prylehłych z abodvuch bakoŭ da Minskaj kalcavoj aŭtadarohi.
Pa słovach kiraŭnika dziaržavy, ziemli ŭzdoŭž MKAD varta vykarystoŭvać bolš racyjanalna i pa-haspadarsku. «U nas mora ludziej, jakija prosiać ŭčastak, kab pabudavać pradpryjemstva, stajanku ci jašče niešta. Da 1 kastryčnika hety płan pavinien być detalova prapracavany i pradstaŭleny», - zapatrabavaŭ Łukašenka.
«Kalcavaja daroha pavinna być vitrynaj krainy, kab ludzi jechali i bačyli, što tut žyvuć haspadary, — padkreśliŭ jon. — Samaje hałoŭnaje — heta budaŭnictva ŭzdoŭž kalcavoj darohi — z unutranaha i źniešniaha bakoŭ. Stolki ziamiel pustuje, na jakich možna budavać, a vy prosicie advieści pad heta sielhasuhodździ».
U častcy niedapuščalnaści vykarystańnia ziamiel sielhaspryznačeńnia pad jakoje-niebudź budaŭnictva Łukašenka piersanalny paprok adrasavaŭ staršyni Minskaha abłvykankama Siamionu Šapiru.
Pa šlachu na pole sa zbožžavymi kiraŭnik dziaržavy źviarnuŭ uvahu na uźviedzienuju biez ŭzhadnieńnia kanstrukcyju, jakaja, jak rastłumačyli čynoŭniki, vykarystoŭvajecca padčas praviadzieńnia sielskahaspadarčaj vystavy. Alaksandr Łukašenka daručyŭ nieadkładna likvidavać parušeńnie. «Časovuju vystavu možna pravieści siońnia na adnym poli, zaŭtra - na inšym, i za noč praciahnuć kabiel, kali jon patrebny. Nie, vyvieli ź sievazvarotu 50 ha ziamli», — aburyŭsia kiraŭnik dziaržavy.
Łukašenka taksama źviarnuŭ uvahu, što kožny, chaj navat nievialiki ŭčastak sielskahaspadarčaj ziamli, pavinien rupliva vykarystoŭvacca, u tym liku na terytoryjach, jakija prymykajuć da fiermaŭ, prysiadzibnych učastkach. «Usio pavinna być razarana», — padkreśliŭ biełaruski lidar.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie38
Kamientary