Łukašenka ŭznaharodziŭ 93 čałaviek: u tym liku Ihara Jaŭsiejeva i Dźmitryja Žuka

Dziaržaŭnych uznaharod udastojeny kiraŭniki i rabotniki roznych śfier. Adpaviedny ŭkaz Alaksandr Łukašenka padpisaŭ 4 žniŭnia, paviedamlaje pres-słužba kiraŭnika dziaržavy.

Uznaharody atrymanyja za «šmathadovuju plonnuju pracu, uzornaje vykanańnie słužbovych abaviazkaŭ, dasiahnieńnie vysokich pakazčykaŭ u pramysłovaści, budaŭnictvie i sielskaj haspadarcy, vialiki asabisty ŭkład u realizacyju dziaržaŭnaj infarmacyjnaj palityki, raźvićcio navukovaj dziejnaści, śfiery achovy zdaroŭja, handlu, adukacyi, kultury i mastactva».

Tak, ordenam «Za słužbu Radzimie» III stupieni ŭznaharodžany namieśnik Dziaržaŭnaha sakratara Savieta biaśpieki Biełarusi hienierał-major milicyi Alaksandr Kanavałaŭ, pieršy namieśnik ministra ŭnutranych spraŭ — načalnik kryminalnaj milicyi hienierał-major milicyi Valancin Michnievič i načalnik upraŭleńnia ŭnutranych spraŭ Viciebskaha abłvykankama hienierał-major milicyi Ihar Jaŭsiejeŭ.

Ordenam Pašany adznačany zasłuhi prafiesara kafiedry Viciebskaj dziaržaŭnaj akademii vieterynarnaj miedycyny Siamiona Abramava, dyrektara Instytuta fizika-arhaničnaj chimii NAN Biełarusi Alaksandra Bildziukieviča, hiendyrektara Biełaruskaha telehrafnaha ahienctva Dźmitryja Žuka. 

Hetaj ža ŭznaharody ŭdastojeny načalnik upraŭleńnia kantrolu budaŭnictva i žyllova-kamunalnaj haspadarki hałoŭnaha ŭpraŭleńnia kantrolu pa horadzie Minsku Kamiteta dziaržaŭnaha kantrolu Viera Maculevič, načalnik centra suviazi i aŭtamatyzavanych sistem Biełaruskaha telehrafnaha ahienctva Samuił Ryževič i pieršy namieśnik staršyni prezidyuma Nacyjanalnaj akademii navuk Biełarusi Siarhiej Čyžyk.

Kamandzir pavietranaha sudna CRJ-100 avijacyjnaha atrada avijakampanii «Biełavija» Alaksandr Bukrejeŭ uznaharodžany miedalom «Za advahu». Anałahičnaj uznaharody ŭdastojena bortpravadnik Alena Murzak.

Zasłuhi vialikaj hrupy rabotnikaŭ roznych śfier adznačany miedalami «Za adznaku ŭ vajskovaj słužbie», «Za adznaku ŭ achovie hramadskaha paradku», «Za adznaku ŭ achovie dziaržaŭnaj miažy», «Za adznaku ŭ papiaredžańni i likvidacyi nadzvyčajnych situacyj», «Za pracoŭnyja zasłuhi» i miedalom Francyska Skaryny.

Ukazam taksama prysvojena hanarovaje zvańnie «Narodny artyst Biełarusi» artystu-vakalistu, viadučamu majstru sceny Homielskaj abłasnoj fiłarmonii Halinie Paŭlonak.

Akramia taho, dakumientam prysvojvajucca hanarovyja zvańni «Zasłužany artyst Respubliki Biełaruś», «Zasłužany dziejač mastactvaŭ Respubliki Biełaruś», «Zasłužany dziejač kultury Respubliki Biełaruś», «Zasłužany dziejač navuki Respubliki Biełaruś», «Zasłužany rabotnik adukacyi Respubliki Biełaruś», «Zasłužany ŭrač Respubliki Biełaruś», «Zasłužany rabotnik śfiery absłuhoŭvańnia Respubliki Biełaruś» i «Zasłužany rabotnik orhanaŭ prakuratury Respubliki Biełaruś».

• 0
• 0
• 0
• 0
• 0
• 0
• 0
• 0