Značnaja častka Łuhanska ŭžo pierajšła pad kantrol sił ATA.
Pra heta padčas bryfinhu paviedamiŭ śpikier infarmcentry RNBA Andrej Łysienka.
Jon adznačyŭ, što bajavyja dziejańni ŭ Łuhansku i Daniecku dla ŭkrainskich vajennych uskładniajucca ŭžyvańniem terarystami ciažkaha ŭzbrajeńnia. Adnak, jak padkreśliŭ Łysienka, značnaja častka Łuhanska pierajšła pad kantrol sił ATA.
«U Łuhansku najmity čačenskaj nacyjanalnaści praciahvajuć abstreły terytoryi horada z užyvańniem ustanovak «Hrad», ustanoŭlenych va ŭschodnich kvartałach», — zajaviŭ Łysienka.
Paralelna ŭkrainskija vajennyja pravodziać rejdavyja dziejańni pa kirunku Iłavajsk-Zuhres Danieckaj vobłaści. Na praciahu dnia siły ATA ŭstupali ŭ ahniavy kantakt z terarystami ŭ rajonach Łužkoŭ, Soncava, Karpava-Nadzieždaŭka, Aŭdziejeŭka, Sabaŭka i Šaŭčenka.
Łysienka adznačyŭ, što ŭ Łuhansku zaraz niemahčyma adnavić vodazabieśpiačeńnie z-za paškodžańni raźmierkavalnych vodapravodnych sietak na terytoryi horada. Da ŭznaŭleńnia funkcyjanavańnia Zachodniaj filtravalnaj stancyi byli pryciahnutyja padraździaleńni Uzbrojenych sił Ukrainy. Adnak pravieści ramontnyja raboty pakul niama mahčymaści z-za aktyŭnych bajavych dziejańniaŭ u horadzie.
U Łuhanskaj vobłaści biez ŭnutranych čyhunačnych znosin zastajucca bolš za 40% čyhunačnych stancyj, u tym liku i abłasny centr.
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary