Rasija prosić Radu Biaśpieki AAN pryniać zajavu ab spynieńni va Ukrainie ahniu na pieryjad dastaŭki humanitarnaj dapamohi.
Pra heta havorycca ŭ zajavie MZS Rasii.
«Pieraścierahajem ad mahčymych pravakacyj z metaj sarvać dastaŭku dapamohi. Zaklikajem baki, załučanyja ŭ kanflikt, abjavić ab spynieńni ahniu na pieryjad ažyćciaŭleńnia hetaj akcyi, i prapanujem Radu Biaśpieki AAN pryniać adpaviednuju zajavu», — skazana ŭ zajavie MZS RF.
U rasijskim MZS zajavili, što zabiaśpiečany ŭsie ŭmovy dla bolš chutkaj dastaŭki i raźmierkavańnia humanitarnaha hruzu.
Tam padziakavali Čyrvonamu Kryžu za ŭzajemadziejańnie.
«Adznačajem taksama, što adnačasova byli dasiahnuty damoŭlenaści ab dastaŭcy pad ehidaj MKČK humanitarnaj dapamohi, jakaja nakiroŭvajecca ŭkrainskaj bokam na Paŭdniovy Ŭschod ź inšych rehijonaŭ Ukrainy», — skazana ŭ zajavie.
MZS Rasii zajaviŭ, što Maskva paćviardžaje ćviordyja harantyi biaśpieki dastaŭki humanitarnaha hruzu.
Akramia taho, MZS Rasii zajaviŭ, što bajeviki taksama dali harantyi biaśpieki. «Anałahičnyja harantyi, jak viadoma, byli pradastaŭleny taksama z boku ŭkrainskich uładaŭ i apałčencaŭ», — zajavili ŭ MZS Rasii.
Nahadajem, raniej prezident Ukrainy Piatro Parašenka ŭžo abjaŭlaŭ ab spynieńni ahniu na Uschodzie Ukrainy, adnak bajeviki nie spyniali abstreły pa pazicyjach ATA i nasielenych punktach.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary