Dziciačy pryhodnicki film «Nievierahodnaje pieramiaščeńnie» režysiora Alaksandra Anisimava vyjšaŭ u prakat. Ab hetym paviedamili ŭ adździele realizacyi i rekłamy Nacyjanalnaj kinastudyi «Biełaruśfilm».
Pahladzieć stužku ŭ Minsku možna ŭ kinateatrach «Aŭrora», «Biełaruś», «Pieramoha», «Kamsamolec», «Mir», «Rakieta», «Kastryčnik» i «Salut». Jaje staličny prakat budzie praciahvacca da 17 vieraśnia. Ubačać karcinu i žychary ŭsich abłasnych centraŭ.
Historyja lichich pryhod zvyčajnaha školnika Vani Fiodarava pradaŭžaje daŭniuju tradycyju dziciačaha biełaruskaha kiniematohrafa, jaki słaviŭsia dobrymi, cikavymi filmami dla ŭsich pakaleńniaŭ.
Vania Fiodaraŭ źbiahaje z urokaŭ, kab, skarystaŭšysia adsutnaściu baćkoŭ, prateściravać prydumanuju im samim univiersalnuju kampjutarnuju prahramu dla padrychtoŭki ŭrokaŭ. Ale z-za zboju ŭ prahramie Ivan zamiest čakanaha refierata atrymlivaje… troch haściej ź minułaha, adnym ź jakich źjaŭlajecca nie chto-niebudź, a Filip Aŭreał Teafrast Bambast fon Hohienhajm, u budučym viadomy jak doktar miedycyny Paracels. Vania i jaho siastra Liza pavinny što b tam ni było viarnuć Paracelsa ŭ minułaje, kab jon moh ździejśnić svaje adkryćci i spynić uspyšku čumy.
U filmie možna ŭbačyć Alaksandra Aŭčyńnikava, Dźmitryja Jesianieviča, Hienadzia Famina, Natallu Harbacienka, Artura Šulaka, Alaksandra Ždanoviča, Alesiu Leśnikavu, Sievu Malickaha, Kaciu Astroha i inš.
Vosieńniu «Biełaruśfilm» taksama płanuje vypuścić u prakat karciny «Biełyja rosy. Viartańnie», «Z 8 Sakavika, mužčyny!», «Dziaržaŭnaja miaža. Film dziaviaty: Kurjery strachu».
Kamientary