Bolš za dziasiatak amierykanskich vajskovych śpiecyjalistaŭ u halinie baraćby ź niezakonnymi ŭzbrojenymi farmavańniami i vajennaha płanavańnia nakiravalisia ŭ Kijeŭ, kab dapamahčy ŭkrainskim Uzbrojenym siłam.
Adna z hrupaŭ budzie aceńvać patreby ŭkrainskaj armii ŭ bajavoj technicy i analizavać, jak ZŠA mohuć najbolš efektyŭna akazać joj padtrymku, paviedamiła The Washington Times pres-sakratar Pientahona Ejlin Łejnies.
Taksama amierykanskija aficery buduć vučyć ukraincaŭ najnoŭšym sposabam płanavańnia vajennych apieracyj.
Jašče adna kamanda ekśpiertaŭ acenić stan ukrainskaj vajskovaj miedycynskaj słužby i vyrašyć, jakija miedykamienty i inšyja miedycynskija materyjały patrebnyja joj najpierš.
Hetaja ž hrupa składzie i doŭhaterminovuju prahramu raźvićcia vajskovaj miedycyny va Ukrainie.
U vyniku ekśpierty ŭsich kirunkaŭ składuć adpaviednyja rekamiendacyi dla Ministerstva abarony ZŠA i Abjadnanaha kamiteta načalnikaŭ štaboŭ uzbrojenych siłaŭ ZŠA.
Kamientary