Łaŭreatami Nobieleŭskaj premii ŭ halinie fizijałohii i miedycyny 2014 nazvany Džon O'Kif, i narviežskija vučonyja žonka i muž Maj-Bryt i Edvard Mozer.
Pra heta abjaviŭ siońnia Nobieleŭski kamitet, paviedamlaje sajt Nobieleŭskaj premii. Premija budzie ŭručana za daśledavańni kletačnaj bijałohii hałaŭnoha mozhu — za vyvučeńnie niejrafizijałahičnych miechanizmaŭ aryjentacyi ŭ prastory (unutranaje GPS).
U aŭtorak nazavuć łaŭreata premii ŭ halinie fiziki, u sieradu — chimii, u čaćvier — litaratury, a ŭ piatnicu stanie viadoma, chto atrymaje Nobieleŭskuju premiju miru. U nastupny paniadziełak — u halinie ekanomiki.
Nobieleŭskuju premiju zasnavaŭ šviedski inžynier i pradprymalnik Alfred Nobiel, zaviaščaŭšy na vypłatu premij vielizarnuju majomaść, jakuju jamu pryniesła, hałoŭnym čynam, vynachodnictva dynamitu.
Łaŭreaty atrymajuć pa vosiem miljonaŭ šviedskich kron — amal 1,11 miljona dalaraŭ. Cyrymonija ŭručeńnia ŭznaharod tradycyjna adbudziecca paźniej — u śniežni. Jana projdzie ŭ Stakholmie i Osła.
Z 1901 da 2013 hoda premiju atrymali 876 čałaviek i arhanizacyj. Kožny pieramožca atrymlivaje miedal, dypłom i hrašovuju ŭznaharodu.
Kandydataŭ vyłučajuć akademiki, univiersiteckija prafiesary, navukoŭcy, papiarednija nobieleŭskija łaŭreaty, parłamientaryi i hramadskija arhanizacyi. Nobieleŭski kamitet nie vydaje imionaŭ kandydataŭ — heta mohuć zrabić tolki jany sami abo tyja, chto ich naminavaŭ, paviedamlaje Bi-Bi-Si.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary