Milinkievič: U 2015 budzie vyrašacca los Biełarusi
Lidar Ruchu «Za Svabodu», adziny kandydat na vybarach 2006 h. Alaksandr Milinkievič vystupiŭ z pryvitalnym słovam na źjeździe Partyi BNF, jaki adbyvajecca 11 kastryčnika ŭ Minsku.
Alaksandr Milinkievič zakranuŭ u vystupie temu prezidenckich vybaraŭ 2015 hoda. Jon nazvaŭ biahučy momant vielmi važnym: «Z adnaho boku, demakratyčnyja siły ź viadomych pryčynaŭ asłablenyja. Ź inšaha boku, vyrašajecca los Biełarusi».
Milinkievič vykazaŭ zakłapočanaść, što da siońniašniahia dnia nie ŭdajecca pryniać praceduru, jak abrać adzinaha kandydata: «Tak, u kožnaj hrupy jość svaje intaresy, ale hałoŭny intares – kraina». Pryčyna zamarudžvańnia, na jaho dumku, takaja: «My słabiejšyja, i dumajem nie pra vialikaje, a pra toje, chto hałoŭny ŭ demakratyčnych kołach, chto budzie śpikieram ad ich».
Razam z tym, «adziny kandydat – nie panaceja, nie vyrašeńnie prablemaŭ».
«Dla mianie adziny kandydat ad apazicyi, kali jon budzie abrany, - heta tolki instrumient. Nadzvyčaj važna, kab hety čałaviek adstojvaŭ nacyjanalna-demakratyčnyja intaresy, kab byŭ biełarusam, prajeŭrapiejcam. I kab hety čałaviek nie zdradziŭ», - skazaŭ Milinkievič.
Bo važna, pa słovach staršyni Ruchu «Za Svabodu», što budzie kazać hety čałaviek: «Bo adziny moža zahavaryć, što spačatku treba intehravacca z Rasijaj, a potym – ź Jeŭropaj, što Rasija maje tut intares. I pakolki jana kantraluje našu ekanomiku, to chaj pryvatyzuje jaje…»
«Tamu na nas z vami vialikaja adkaznaść za toje, što budzie kazać i ščyra adstojvać adziny kandydat. Jon musić pieradusim adstojvać niezaležnaść. U vybarčaj kampanii-2015 słova «niezaležnaść» musić być klučavym». — zajaviŭ Alaksandr Milinkievič.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary