U Osła adbyłosia «viasielle» 12-hadovaj dziaŭčynki z 37-hadovym mužčynam
Niezvyčajnaja akcyja pratestu suprać dziciačych šlubaŭ prajšła ŭ subotu ŭ stalicy Narviehii. Pad ehidaj narviežskaha padraździaleńnia mižnarodnaj arhanizacyi «Płan», jakaja zajmajecca abaronaj pravoŭ dziaciej, u Osła adbyłasia fiktyŭnaja cyrymonija šlubu pamiž 12-hadovaj dziaŭčynkaj i 37-hadovym mužčynam.
Choć roli «žanicha», «niaviesty» i «śviatara» vykonvali śpiecyjalna naniatyja akciory, jakija dziejničali pa zahadzia prapisanym scenary, a były budynak carkvy, dzie išła «imša», znutry mała nahadvaje chram (ciapier u im raźmiaščajecca kulturny centr, i pravodziacca kancerty), toje, što adbyvałasia, nahadvała sapraŭdnaje viasielle.
Pavodle zadumy arhanizataraŭ akcyi, sotni čałaviek, jakija sabralisia ŭ «carkvie», vyhuknuli «Nie! Spynicie viasielle!» ŭ vyrašalny momant, kali «śviatar» zadaŭ dziaŭčyncy pytańnie ab tym, ci hatovaja jana stać žonkaj darosłaha mužčyny.
Pa słovach hienieralnaha sakratara narviežskaha filijała «Płana» Ułafa Tomiesena, metaj arhanizataraŭ było pakazać žycharam Narviehii, nakolki ahidnym i strašnym robicca zvyčaj vydavać zamuž niepaŭnaletnich dziaŭčynak, kali pieranieści jaho na jeŭrapiejskuju hlebu z Centralnaj Afryki i Paŭdniovaj Azii, dzie jon raspaŭsiudžany pa siońniašni dzień.
«Spadziajusia, što nam udałosia pakazać ludziam z roznych krain śvietu ŭsiu absurdnaść i złačynnaść hetaj tradycyi, — zajaviŭ Tomiesen. — Dadzienaja prablema ŭjaŭlajecca mnie nastolki surjoznaj, što dla pryciahnieńnia da jaje ŭvahi dobryja amal usie srodki. Tamu ja nie mahu skazać, što arhanizavanaja nami pravakacyja vychodzić za jakija-niebudź ramki».
Upieršyniu infarmacyja ab płanavanym «viasielli» źjaviłasia ŭ narviežskich ŚMI jašče ŭ siaredzinie vieraśnia. Ad imia budučaj «niaviesty» — dziaŭčynki pad vydumanym imiem Teja — u internecie vioŭsia błoh, u jakim jana dzialiłasia svaimi pieražyvańniami napiaredadni majučaha adbycca «viasiella».
Onłajn-dziońnik Tei chutka staŭ samym naviedvalnym błoham ŭ Narviehii. Sotni čałaviek u pieršyja dni źviartalisia ŭ palicyju i słužbu abarony dziaciej, kab tyja spynili cyrymoniju. Tamu arhanizatary značna raniej, čym płanavałasia, byli vymušanyja abjavić ab tym, što dziaŭčynki Tei nie isnuje, jaje rolu vykonvaje junaja šviedskaja madel Maja Bierhstram, a samo viasielle budzie teatralizavanym pradstaŭleńniem, jakoje pavinna pryciahnuć uvahu da surjoznaj sacyjalnaj prablemy.
Kamientary