Terminam na try hady, vybarami 7 śniežnia i amnistyjaj udzielnikam.
Prezident Ukrainy Piatro Parašenka padpisaŭ Zakon «Ab asablivym paradku miascovaha samakiravańnia ŭ asobnych rajonach Danieckaj i Łuhanskaj abłaściej», paviedamlaje pres-słužba kiraŭnika ŭkrainskaj dziaržavy.
Dakumient № 1680-VII vyznačaje časovy paradak arhanizacyi miascovaha samakiravańnia, dziejnaści orhanaŭ miascovaj ułady ŭ asobnych rajonach Danieckaj i Łuhanskaj abłaściej.
Asnoŭnaja meta — stvareńnie ŭmoŭ dla bolš chutkaj narmalizacyi stanovišča, adnaŭleńnia pravaparadku, kanstytucyjnych pravoŭ i svabod hramadzian, stvareńnie ŭmoŭ dla viartańnia žycharoŭ da vymušana pakinutych miescaŭ stałaha pražyvańnia, adnaŭleńnie žyćciadziejnaści ŭ nasielenych punktach i raźvićcia hetych terytoryj. Taksama adnaŭlajucca pravy i zakonnyja intaresy jurydyčnych asob.
Asobny paradak na nazvanych terytoryjach uvodzicca Zakonam časova, na try hady, z dnia ŭstupleńnia ŭ siłu.
Zakanadaŭstva Ukrainy ŭ asobnych rajonach Danieckaj i Łuhanskaj abłaściej na pieryjad dziejańnia takoha paradku miascovaha samakiravańnia dziejničaje z ulikam asablivaściej, vyznačanych hetym dakumientam.
Kiravańnie ŭ haradach, vioskach i pasiołkach ažyćciaŭlajecca terytaryjalnymi supołkami praz orhany miascovaha samakiravańnia ŭ adpaviednaści z Kanstytucyjaj i Zakonami Ukrainy.
Paviedamlajecca, što pazačarhovyja vybary deputataŭ rajonnych, haradskich, rajonnych dy inš. savietaŭ, a taksama kiraŭnikoŭ u asobnych rajonach Danieckaj i Łuhanskaj abłaściej pryznačajucca na 7 śniežnia.
Dakumient taksama vyznačaje paradak zabieśpiačeńnia ŭzhodnienaj dziejnaści orhanaŭ miascovaha samakiravańnia hetych terytoryj z orhanami centralnaj vykanaŭčaj ułady.
Zhodna z Zakonam, dziaržava harantuje niedapuščeńnie kryminalnaha pieraśledu,
pryciahnieńnia da kryminalnaj i administracyjnaj adkaznaści i pakarańnia asob — udzielnikaŭ padziej u hetych rajonach. Dla achovy hramadskaha paradku ŭ nasielenych punktach asobnych rajonaŭ rašeńniem orhanaŭ miascovaha samakiravańnia stvarajucca atrady narodnaj milicyi.
Zakon ustupaje ŭ siłu z dnia jaho apublikavańnia.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie38
Kamientary