Vajenna-palityčnaje stanovišča ŭ śviecie patrabuje vyraznaj kaardynacyi namahańniaŭ vajennych viedamstvaŭ Sajuznaj dziaržavy.
Pra heta siońnia zajaviŭ ministr abarony Rasii hienierał armii Siarhiej Šajhu na pasiadžeńni sumiesnaj kalehii vajennych viedamstvaŭ Biełarusi i Rasii.
«Chaču adznačyć vysoki ŭzrovień adnosin pamiž ministerstvami abarony Biełarusi i Rasii i ŭkład biełaruskaha boku ŭ raźvićcio ahulnaj abaronnaj prastory. Ciapier vajenna-palityčnaje stanovišča ŭ śviecie patrabuje vyraznaj kaardynacyi našych namahańniaŭ pa supraćdziejańni šyrokamu śpiektru vyklikaŭ i pahroz», — skazaŭ ministr abarony Rasii.
Siarhiej Šajhu rastłumačyŭ, što, pierš za ŭsio, heta źviazana z rostam mižnarodnaha teraryzmu. «Siońnia my taksama nazirajem vyniki źniešniaha ŭździejańnia na Ukrainu.
ZŠA i Jeŭrasajuz spravakavali adchileńnie ad ułady zakonnaha prezidenta hetaj krainy, biezahladna padtrymlivali dziejańni Kijeva pa siłavym padaŭleńni niezadavolenych novaj uładaj. U suviazi z hetym nieabchodna ŭvažliva stavicca da taho, što adbyvajecca va Ukrainie. Pa sutnaści, zachodnija siły imknucca sfarmavać ŭ hetaj krainie cisk na Sajuznuju dziaržavu, paŭpłyvać na ŭstojlivaje raźvićcio Rasii i Biełarusi, — miarkuje kiraŭnik abaronnaha viedamstva Rasii.
— Tamu ŭ sučasnych umovach važna mieć bajazdolnyja uzbrojenyja siły, farmiravać efiektyŭnyja miechanizmy mižnarodnaj biaśpieki».
Raźvivajučy vajennaje supracoŭnictva z sajuźnikami, Rasija ŭ pieršuju čarhu abapirajecca na paśladoŭnuju padtrymku Biełarusi, adznačyŭ Siarhiej Šajhu.
Kamientary