Pra heta eks-kandydat ŭ prezidenty Biełarusi Mikałaj Statkievič paviedamiŭ žurnalistu Barysu Vyrviču, jaki žyvie ŭ Białyničach (Mahiloŭskaja vobłaść) i pierapisvajecca z apazicyjnym palitykam.
«U kałoniju mianie sapraŭdy pavinny pieravieści. Heta pavinna adbycca 12 studzienia nastupnaha hoda, kali zakončacca try hady turemnaha režymu, na jakija mianie asudzili. Tut mahli pry adsutnaści spahnańniaŭ viarnuć mianie ŭ kałoniju i praz paŭtara hoda, ale heta nie dla «palityčnych».
Z kałonii mohuć viarnuć znoŭ siudy, ale majoj pazicyi heta nie źmienić», — cytuje ŭryvak ź lista Statkieviča pravaabarončy sajt www.spring96.org.
Źniavoleny palityk taksama paviedamiŭ, što da jaho dachodziać nie ŭsie listy z voli. U pryvatnaści, pavodle słoŭ Vyrviča, Statkievič napisaŭ, što nie atrymlivaŭ ad jaho listoŭ užo niekalki miesiacaŭ, chacia žurnalist kožny miesiac adsyłaje palitźniavolenamu list abo paštoŭku z apošnimi navinami z žyćcia aktyvistaŭ demsił Mahiloŭskaj vobłaści.
Piacidziesiacivaśmihadovy Mikałaj Statkievič — adziny kandydat u prezidenty Biełarusi, jaki dahetul u źniavoleńni. U mai 2011 hoda sud Leninskaha rajona Minska pryhavaryŭ jaho da šaści hadoŭ pazbaŭleńnia voli pavodle abvinavačańnia ŭ arhanizacyi masavych biesparadkaŭ u dzień prezidenckich vybaraŭ 19 śniežnia 2010-ha.
Pieršapačatkova palityk utrymlivaŭsia ŭ škłoŭskaj kałonii № 17, adnak u studzieni 2012 hoda jamu zrabili bolš žorstkimi ŭmovy adbyćcia pakarańnia, pieravioŭšy ŭ mahiloŭskuju turmu № 4.
Administracyja kałonii paličyła, što Statkievič «nie paŭstaŭ na šlach vypraŭleńnia», «da ŭmoŭna-daterminovaha vyzvaleńnia nie imkniecca» i paśla adbyćcia pakarańnia maje namier «vieści złačynny sposab žyćcia».
Palityku nieadnarazova prapanoŭvali napisać prašeńnie ab pamiłavańni na imia Alaksandra Łukašenki, ale Statkievič kateharyčna admaŭlaŭsia heta zrabić.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j10
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary