U paniadziełak, 8 śniežnia, a 18:00 adbudziecca prezientacyja knihi Anatola Astapienki «Mikoła Jermałovič. Toj, chto viarnuŭ nam historyju.» Kniha vyjšła ŭ sieryi «100 vydatnych dziejačoŭ biełaruskaj kultury» (Minsk, Charviest, 2014).
«Mikoła Jermałovič (1921 — 2000) adkryŭ nam vočy na sapraŭdnuju historyju Biełarusi. Jon adkinuŭ iłžyvy tezis rasiejskich i letuviskich historykaŭ pra zavajavańnie biełaruskich plamion u CHIII st. žamojtami — prodkami sučasnych litoŭcaŭ. Jaho idei, jaho tytaničnaja praca pa stvareńni praŭdzivaj historyi Biełarusi, pa vykryćci pseŭdateoryj savieckaj, dy i zamiežnaj histaryčnych škoł — dała plon. Jaho hałoŭnaja praca «Pa śladach adnaho mifa», choć i praz dvaccać hod, ale ŭbačyła śviet. A fundamientalny tvor «Staražytnaja Biełaruś» byŭ vysoka acenieny — kniha była adznačana Dziaržaŭnaj premijaj Respubliki Biełaruś i litaraturnaj premijaj imia Kastusia Kalinoŭskaha. M.Jermałovič — adziny historyk Biełarusi, jaki, nie majučy nijakich navukovych zvańniaŭ i vučonych stupieniaŭ, źjaŭlajecca aŭtaram ułasnaj, užo mnohimi ajčynnymi i zamiežnymi vučonymi pryznanaj, navukovaj kancepcyi ŭtvareńnia Vialikaha kniastva Litoŭskaha», — adznačaje Anatol Astapienka.
Adras prezientacyi: Minsk, Čarnyšeŭskaha 3. Telefony dla suviazi: +375447858310, +375336010458.
Kamientary